“Iin níí kúú ñayuú yóꞌo nákaa̱ ti̱xi ndáꞌa̱ ña̱ uꞌu̱ [Ti̱míaʼá]” (1 Juan 5:​19, Tuti yóʼo kúú to̱ʼon Ndios, ta xíʼo ña kuendá saʼa̱ Jesús).

“Sa̱ʼá ña̱yóʼo ni̱kixi De̱ʼe Ndio̱s ñuyíví yóʼo, jaá jándíʼina nuu̱ ndijaá táʼa̱n ña̱ kini ni̱kee Ti̱míaʼá” (1 Juan 3:8, TNM).

Kundaa̱ iniyó ndiva̱ʼa ió ndiva̱ʼa tu̱ndóʼó nuu̱ ñuyíví yóʼo (Apocalipsis 12:​12).

Xíʼoña ta̱ndeé ini ña̱ kuu kandatiyó iin ñuyíví ña̱ va̱ʼa chááka̱ví koo (1 Juan 2:​17).

Kuuvá kandísayó, ná kande̱ʼéyó uni̱ ña̱ naʼa̱ ña̱ jaá kían:

• Sa̱ ió iin kivi̱ ña̱ yati ñúʼú naá gobierno Satanás. Ni̱chikaa̱ ini Jeová Ndio̱s jándíʼina nuu̱ gobierno Satanás ñuyíví yóʼo. Káchi Ndio̱s ña̱ “jándíʼina nuu̱ […] Ti̱míaʼá” ta jánduva̱ʼana ndiʼi ña̱ kini kée Ti̱míaʼá (Hebreos 2:​14, TNM).

• Jesucristo kúú na̱ ni̱ka̱xi Ndio̱s kaʼnda chúun ñuyíví yóʼo. Jíin ndiva̱ʼa saʼndá Jesús chúun, ko̱ kían tátu̱ʼun gobierno kini nakaa̱ ñuyíví yóʼo. Káchi Ndio̱s ña̱ gobierno Cristo “Kundáʼví inina saʼa̱ na̱ ndaʼví ini ta saʼa̱ na̱ kúndaʼví [...]. Ta janí jáka̱kuna na̱yóʼo nuu̱ na̱ jándaʼvíña ta nuu̱ na̱ kée ña̱ kini xíʼínna” (Salmo 72:​13, 14).

• Ko̱ káʼa̱n Ndio̱s ña̱to̱ʼón. Káchi Biblia ña̱ “o̱ kúu taꞌon kaꞌa̱n to̱ꞌón Ndios” (Hebreos 6:​18). Ña̱káa tá káʼa̱n Jeová Ndio̱s ña̱ keena iin ña̱ʼa, kuuvá kandeé iniyó ña̱ miía̱ndaa̱ keenaña (Isaías 55:​10, 11). Ta ña̱ ni̱kachina keena kían ña̱ “koꞌo̱n na̱ di̱tá ná choon noo̱ ndáꞌa̱ ña̱ uꞌu̱ [Ti̱míaʼá], ña̱ saꞌándá choon ñayuú yóꞌo” (Juan 12:​31).