Va̱árá ni̱ kaku Jesús nuu̱ Ñúʼu̱ yóʼo tátu̱ʼun iin na̱yivi, jo sa̱ jaá ni̱ si̱io va si indiví tátu̱ʼun iin espíritu (San Juan 8:23). Ta mií vá si kúú ta xinañúʼú ka̱ ni̱ ka̱va̱ʼa Jeová Ndio̱s, tá ni̱ ndiʼi já ni̱ chi̱ndeé sí Ndio̱s ni̱ ka̱va̱ʼa ndijaá táʼa̱n ka̱ ña̱ʼa. Ta iin túʼún láá Jesús va kúú ta ni̱ ka̱va̱ʼa mií Ndio̱s, sa̱ʼá ña̱yóʼo kuu va kachi yó ña̱ ʼlin túʼún mií vá siʼ kúú de̱ʼe Ndio̱s (San Juan 1:14, TYK). Ta jaá ní káʼa̱n na̱ “Tu̱ʼun” xíʼín Jesús jáchi̱ ni̱ ka̱stu̱ʼun si ña̱ kúni̱ Ndio̱s. Kaʼví ní Proverbios 8:22, 23, 30 xíʼín Colosenses 1:15, 16, Tuti yóʼo kúú to̱ʼon Ndios, ta xíʼo ña kuendá saʼa̱ Jesús, [TYK].

Ni̱ ta̱ndaʼá Ndio̱s de̱ʼe mani̱ sí ni̱ kixi si nuu̱ Ñúʼu̱ yóʼo, jáchi̱ mií vá Ndio̱s ni̱ kee ña̱ ni̱ kaku ta yóʼo ti̱xi iin ñá naní María. Iin ñá tu̱ñáʼa̱ ka̱ koo xíʼín iin ta̱a. Sa̱ʼá ña̱yóʼo de̱ʼe Ndio̱s va kúú Jesús, o̱ju̱ú de̱ʼe iin na̱yivi (San Lucas 1:30-35). Ni̱ kixi Jesús nuu̱ Ñúʼu̱ yóʼo: 1) já ni̱ ja̱náʼa̱ si ña̱ ndaa̱ saʼa̱ Ndio̱s nu̱ú na̱yivi, 2) já ni̱ naʼa̱ si xíʼín ña̱ ni̱ kee si ndixi kuu kee yó ña̱ kúni̱ Ndio̱s va̱árá kuaʼa̱n yaʼa yó tu̱ndóʼó, 3) já ni̱ si̱aʼa si mií sí ni̱ xiʼi̱ si já “ni̱ chi̱ya̱ʼvi si” sa̱ʼá kua̱chi ndiʼi yó, va̱árá ko̱ó kua̱chi si ní síio. Kaʼvi ní Mateo 20:28, TNM.

Ña̱ jáka̱ku na yó ña̱yóʼo kúni̱ kachian ña̱ chíya̱ʼvi na saʼa̱ yó já ná o̱ki̱ví yo̱ (Éxodo 21:29, 30). Ta ko̱ ní kuni̱ Ndio̱s ña̱ kusáʼno na̱yivi, ni ña̱ kivi na, tá ni̱ ka̱va̱ʼa si na̱ nda̱ mií saʼa̱. Jáchi̱ ni̱ kachi Ndio̱s xíʼín Adán ña̱ tá ná ya̱ʼa ra kee ra kua̱chi, jaá kía̱n kivi va ra. Sa̱ʼá ña̱yóʼo tá ko̱ ní ya̱ʼa cháá Adán kee ra kua̱chi nuu̱ Ndio̱s, ni o̱ki̱ví mií vá rá ní kúú (Génesis 2:16, 17; 5:5). Jáchi̱ sa̱ʼá ña̱ ni̱ ya̱ʼa Adán ni̱ kee ra kua̱chi ni̱ ka̱sáʼá xíʼi̱ na̱yivi nuu̱ ñuyíví yóʼo kachí Tu̱ʼun Ndio̱s. Ta nuu̱ ndijaá de̱ʼe ra ni̱ ja̱yáʼa ra kua̱chi yóʼo. Sa̱ʼá ña̱yóʼo  xíniñúʼú yó iin na̱ jáka̱ku ñaʼá nu̱ú kua̱chi já ná o̱ki̱ví ka̱ yo̱. Kaʼvi ní Romanos 5:12, TYK xíʼín 6:23, TYK.

¿Ndá yoo kuu chiya̱ʼvi sa̱ʼá kua̱chi yó já ná o̱ki̱ví ka̱ yó? Tá xíʼi̱ iin na̱yivi chíya̱ʼvi na sa̱ʼá kua̱chi mií va na. Ni iin mií vá yó o̱kúu chiya̱ʼvi sa̱ʼá kua̱chi inga̱ na̱ jáchi̱ na̱yivi kua̱chi va kúú yó. Kaʼvi ní Salmo 49:7-9.

Ko̱ ní ya̱ʼa mií vá Jesús kee si kua̱chi, tátu̱ʼun ki̱ʼa kée yó na̱yivi. Sa̱ʼá ña̱yóʼo ko̱ ní xiʼi̱ Jesús sa̱ʼá kua̱chi mií sí, ni̱ xiʼi̱ si já ni̱ chi̱ya̱ʼvi si sa̱ʼá kua̱chi java ka̱ na̱. Ni̱ naʼa̱ Jeová Ndio̱s ña̱ kúni̱ ndiva̱ʼo si na̱yivi, jáchi̱ ni̱ ta̱ndaʼá sí de̱ʼe si Jesús ni̱ kixi si ni̱ xiʼi̱ si saʼa̱ yó. Ta jaá ní ni̱ naʼa̱ Jesús ña̱ kúni̱ ndiva̱ʼo si yó, jáchi̱ ni̱ sinajo̱ʼo si ña̱ ni̱ kaʼa̱n tatá si, ta ni̱ si̱ʼa si miísí ni̱ xiʼi̱ si já ni̱ chi̱ya̱ʼvi si sa̱ʼá kua̱chi yó. Kaʼvi ní San Juan 3:16 xíʼín Romanos 5:18, 19, TYK.

Kande̱ʼéní video ¿Ndiva̱ʼa ni̱si̱ʼi̱ Jesús?

Tá ni̱ sa̱io Jesús nuu̱ Ñúʼu yóʼo ni̱ ja̱ndúva̱ʼa si na̱ kíʼvi̱, ni̱ ja̱nátaku si na̱ ni̱ xiʼi̱, ta ni̱ chi̱ndeé sí na̱ ndóʼo ini. Sa̱ʼá ña̱yóʼo ni̱ naʼa̱ si ña̱ kee si chááka̱ ni chínuu̱ sa̱ʼá na̱yivi na̱ sínajo̱ʼo ña̱ káʼa̱n Ndio̱s (San Mateo 15:30, 31; San Juan 5:28). Tá ni̱ xiʼi̱ Jesús já ni̱ ja̱nátaku ñaʼá Ndio̱s, ta ni̱ na̱ndióko̱o tuku si kuaʼa̱n si indiví tátu̱ʼun iin espíritu (1 Pedro 3:18). Tá ni̱ ndiʼi já ni̱ si̱io Jesús xoo kuáʼa Ndio̱s, já ndáti si kivi̱ ña̱ ki̱aʼa Ndio̱s ndée̱ nuu̱ sí ña̱ kaʼnda si chuun nuu̱ Ñúʼu̱ yóʼo (Hebreos 10:12, 13). Kivi víti sa̱ saʼndá va Jesús chuun indiví tátu̱ʼun iin rey, ta nuu̱ iníí kúú ñuyíví xíkanuu na̱ kuendá si kástu̱ʼun na sa̱ʼá tu̱ʼun va̱ʼa yóʼo nu̱ú na̱yivi. Kaʼvi ní Daniel 7:13, 14 xíʼín San Mateo 24:14.

Sa̱ yati ñúʼú kachúun Jesús ndée̱ ni̱ niʼi̱ sí nuu̱ Ndio̱s já jándíʼi si nu̱ú ña̱ jándóʼo ini yó, ta jánaá si nu̱ú na̱yivi na̱ kée ña̱ kini. Ndijaá na̱ kándeé ini Jesús, ta sínajo̱ʼo na ña̱ káʼa̱n si, kandoyi na nuu̱ ñúʼu̱ ñúchí. Kaʼvi ní Salmo 37:9-11.