Jeová ta kúú Ndio̱s jii̱ ini kúú ta káʼa̱n tu̱ʼun va̱ʼa, jáchi̱ kúni̱ si ña̱ ná kandoyi jii̱ na̱yivi xíʼín na̱ veʼe na (1 Timoteo 1:11). Mií Ndio̱s kúú ta ni̱ chi̱ndúʼu̱ ña̱ tandaʼa̱ na̱yivi. Sa̱ʼá ña̱yóʼo tá tándaʼa̱ na̱yivi nuu̱ juez tátu̱ʼun káʼa̱n ley, jaá kía̱n kuu va jákuáʼno va̱ʼa na de̱ʼe na, ta xíʼín ña̱yóʼo kuu va kandoyi va̱ʼa na. Sa̱ʼá ña̱kán kánian kunijo̱ʼo na̱ ndíko̱ Cristo, ley ña̱ ni̱ saki ta̱ gobierno, ña̱ kánian nakojo̱ ndijaá na̱ ni̱ ta̱ndáʼa̱. Kaʼvi ní San Lucas 2:1, 4, 5, Tuti yóʼo kúú to̱ʼon Ndios, ta xíʼo ña kuendá saʼa̱ Jesús, [TYK].

Ta kúni̱ Ndio̱s ña̱ ni iin kivi̱ ná o̱jándákoo táʼan na̱ ni̱ ta̱ndáʼa̱. Ta jaá ní kúni̱ Jeová Ndio̱s ña̱ ta̱ kúú yíi̱ xíʼín ñá kúú ñajiʼí ná o̱jándaʼví táʼan na xíʼín inga̱ na̱yivi (Hebreos 13:4). Ta ko̱ nátaʼan mií vá ini si ña̱ jándákoo táʼan na̱ ni̱ ta̱ndáʼa̱ (Malaquías 2:16). Jo síaʼa va si íchi̱ ña̱ jándákoo táʼan na, tá yáʼa iin na kée na kua̱chi, ta kíxi̱ na̱ xíʼín iin na̱ ko̱ kúú yíi̱ ná, á ñajiʼí na̱. Kaʼvi ní San Mateo 19:3-6, 9.

Ni̱ ka̱va̱ʼa Jeová Ndio̱s ta̱ ta̱a xíʼín na̱ ñáʼa̱ já ná kaneʼe táʼan va̱ʼa na, ta ná chindeé táʼan na tá tándaʼa̱ ná (Génesis 2:18). Sa̱ʼá ña̱yóʼo ta̱ kúú yíi̱ kánian ndi̱ʼi ini ra kachúun ra já koto ra na̱ veʼe ra, ta jaá ní mií rá kúú ta̱ kánian jánaʼa̱ nuu̱ ná saʼa̱ Ndio̱s. Ta kánian ki̱ʼo ra mií rá ndoʼo ini ra saʼa̱ ñajiʼí ra, já naʼa̱ ra̱ ña̱ kúni̱ ñaʼá rá. Kánian kuni̱ táʼan na̱ ni̱ ta̱ndáʼa̱, ta kánian koo ña̱ñúʼú nuu̱ iin na xíʼín inga̱ na̱. Ta kánian koo káʼno ini saʼa̱ táʼan na, já kuu kandoyi va̱ʼa na. Jáchi̱ ndiví na̱ kúú ná na̱yivi kua̱chi. Kaʼvi ní Efesios 4:31, 32; 5:22-25, 33, TYK xíʼín 1 Pedro 3:7, TNM.

Tá ió tu̱ndóʼó nu̱ú na̱ ni̱ ta̱ndáʼa̱, ndiví na kánian kiʼvi̱ ini saʼa̱ táʼan ná já kuu naka̱ndoyi va̱ʼa na (1 Corintios 13:4, 5). Jáchi̱  kachí Tu̱ʼun Ndio̱s ña̱ ko̱ kánian jándákoo táʼan na̱ ni̱ ta̱ndáʼa̱ tá ndóʼo na tu̱ndóʼó. Kaʼvi ní 1 Corintios 7:10-13.

Kúni̱ Jeová Ndio̱s ña̱ ná kandoyi va̱ʼa ta kuálí. Sa̱ʼá ña̱yóʼo jánaʼa̱ Ndio̱s nuu̱ ta kuálí ndixi kuu kandoyi va̱ʼa chááka̱ xi. Ta jaá ní kúni̱ Ndio̱s ña̱ ná kunijo̱ʼo na ña̱ jánaʼa̱ tatá na̱ nuu̱ ná, sa̱ʼá ña̱ xíni̱ na̱ já ná kandoyi va̱ʼa na (Colosenses 3:20). Ta jaá ní kúni̱ Jeová Ndio̱s ña̱ ná kujii̱ ini na̱ kua̱lí kunikuáchí na nuu̱ sí xíʼín nu̱ú de̱ʼe si. Kaʼvi ní Eclesiastés 11:9–12:1; San Mateo 19:13-15, xíʼín 21:15, 16, TYK.

Kánian kachúun ndeé ndiva̱ʼo na̱ kúú tatá já kuu niʼi̱ ná ña̱ kasáʼan de̱ʼe na, ta ña̱ kandixi na, ta nu̱ú kandoyi na (1 Timoteo 5:8). Ta kánian jánaʼa̱ na̱ nu̱ú de̱ʼe na ña̱ kuni̱ xi Ndio̱s, ta kati̱ʼa xi saʼa̱ Ndio̱s (Efesios 6:4). Tá náʼa̱ na̱ kúú tatá ña̱ kúni̱ na̱ Ndio̱s, jaá kía̱n kuu kati̱ʼa de̱ʼe na kee xi ki̱ʼa jaá. Ta tá ná jánaʼa̱ na̱ ña̱ káʼa̱n Tu̱ʼun Ndio̱s nuu̱ xí, jaá kía̱n kuu chindeéa̱n yóʼo xi já nakani va̱ʼa ini xi ña̱ kee xi. Kaʼvi ní Deuteronomio 6:4-7 xíʼín Proverbios 22:6.

Na̱ kúú de̱ʼe xíniñúʼú ná ña̱ ná kaʼa̱n va̱ʼa na̱ kúú tatá na̱ xíʼín ná sa̱ʼá ña̱ va̱ʼa kée na. Ta jaá ní ió tein xíniñúʼú na̱ kúú tatá kaʼa̱n na̱ xíʼín de̱ʼe na, tá ko̱ váʼa kée na, jaá kía̱n o̱yáʼa na kee na iin ña̱ ko̱ váʼa, sa̱ʼá ña̱ kuu nandióko̱o ini na̱ (Proverbios 22:15). Jo ko̱ kánian kaja nda̱va̱ʼa na xíʼín de̱ʼe na, ta ni ko̱ kánian kaʼa̱n kini na xíʼín ná. Kaʼvi ní Colosenses 3:21.

Sa̱ kuaʼa̱ vá libro ña̱ chíndeé na̱ kúú tatá xíʼín de̱ʼe, ni̱ taa na̱ testigo Jeová. Ta nuu̱ Tu̱ʼun Ndio̱s ni̱ tiin na ña̱ va̱si nuu̱ ndijaá tutu yóʼo. Kaʼvi ní Salmo 19:7, 11.