Nu̱ú Tu̱ʼun Ndio̱s va̱si tu̱ʼun va̱ʼa ña̱ káʼa̱n ña̱ ndijaá táʼa̱n kivi̱ kutaku yó nuu̱ Ñúʼu̱ yóʼo (Salmo 37:29). Ta ni̱ ka̱xi Ndio̱s uvi̱ xiko ta̱a já ni̱ taa ra ndin 66 tutu ña̱ va̱si nuu̱ Tu̱ʼun Ndio̱s. Moisés ni̱ taa uʼu̱n tutu ña̱ xinañúʼú va̱si nu̱ú Tu̱ʼun Ndio̱s, sa̱ ió uni̱ mil java kuia̱, ta apóstol Juan kúú ta̱ ni̱ taa tutu ña̱ nu̱jandíʼí va̱si nu̱ú Tu̱ʼun Ndio̱s, sa̱ ió iin mil ii̱n ciento ká kuia̱. Ña̱ nákani ini Ndio̱s kúú ña̱ va̱si nuu̱ Tutu ii̱. Jáchi̱ espíritu ii̱ Ndio̱s ni̱ ka̱chúun si já ni̱ kee si ña̱ ni̱ ku̱tóni̱ ini ta̱ ta̱a ni̱ taa ra tu̱ʼun si (2 Samuel 23:2). Ña̱ nákani ini Ndio̱s va ni̱ taa ta̱ yóʼo, ko̱ ní táa ra ña̱ nákani ini mií rá. Sa̱ʼá ña̱káa, ña̱ nákani ini mií vá Jeová Ndio̱s va̱si nuu̱ Tutu ii̱. Kaʼvi ní 2 Timoteo 3:16, Tuti yóʼo kúú to̱ʼon Ndios, ta xíʼo ña kuendá saʼa̱ Jesús, [TYK] xíʼín 2 Pedro 1:20, 21, TYK.

Kande̱ʼéní video ¿Quién es el autor de la Biblia?

Jáchi̱ mií vá Ndio̱s kúú ta ni̱ kee ña̱ ni̱ taa na ña̱. Ta miía̱n ndaa̱ ndisa kándeé ini yó ña̱ jaá ndisa kíán, jáchi̱ ndijaá ña̱ káʼa̱n ña̱ koo chááka̱ chínuu̱ xíno̱ko̱an, ta ko̱ó mií vá ni iin na̱yivi na̱ kuu kaʼa̱n ña̱ koo chááka̱ chínuu̱ (Josué 23:14). Sa̱ va̱ʼa iin túʼún Ndio̱s ta kúu kée ndijaá táʼa̱n ña̱ʼa va kúú ta kuu kee ña̱yóʼo. Kaʼvi ní Isaías 42:9 xíʼín 46:10.

Ñúchí ndiva̱ʼa káʼa̱n nuu̱ Tutu ii̱ jáchi̱ ña̱ nákani ini Ndio̱s va̱si nu̱úán. Sa̱ mil millón ví Biblia ni̱ na̱jasá ná nu̱ú na̱yivi na̱ káʼa̱n jíin jíin yúʼu̱. Ta va̱árá sa̱ si̱naʼá ndiva̱ʼo ni̱ taa na Tu̱ʼun Ndio̱s, ta ko̱ kúúán iin tutu ña̱ jákuáʼa na escuela, jo tá káʼa̱n ña̱ sa̱ʼá ña̱ ni̱ ka̱va̱ʼa Ndio̱s, iin nákotáʼan va ña̱ káʼa̱n ña̱. * Ta va̱árá 40 ta̱a ni̱ taa Tu̱ʼun Ndio̱s, jo ni iin ta̱ yóʼo ko̱ ní kachi ra ña̱ o̱ju̱úán ndaa̱ ní táa java ka̱ ra̱. Tá káʼvi yó Tutu ii̱ já kúndaa̱ ini yó ña̱ kíʼvi̱ ndiva̱ʼo  ini Ndio̱s saʼa̱ yó. Ta nda̱ kivi̱ víti va chíndeéán na̱yivi nájama̱ na. Ta jaá ní chíndeéán millón na̱yivi já kúndaa̱ ini na ña̱ miía̱n ndaa̱ ndisa kíán Tu̱ʼun Ndio̱s. Kaʼvi ní 1 Tesalonicenses 2:13, TYK.

Kande̱ʼéní video ¿Ndiva̱ʼa kuu kandeé ini yó - Tu̱ʼun Ndio̱s kúúa̱n ña̱ ndaa̱?

Ña̱ va̱ʼa ndiva̱ʼa kúú ña̱ va̱si nu̱ú Tu̱ʼun Ndio̱s jáchi̱ sa̱ʼá ña̱ káʼa̱n chááka̱n kía̱n ña̱ kúni̱ Ndio̱s ña̱ ná kandoyi va̱ʼa na̱yivi nuu̱ Ñúʼu̱ yóʼo. Ta nákanian ndiva̱ʼa ko̱ ní kúu ka̱ kandoyi na̱yivi nuu̱ Ñúʼu̱ ñúchí nda̱ mií saʼa̱, ta jaá ní nákanian ndixi nduu ñúchí tuku nuu̱ Ñúʼu̱ yóʼo. Kaʼvi ní Apocalipsis 21:4, 5.

Ta va̱si kuaʼa̱ ley xíʼín consejo nu̱ú Tu̱ʼun Ndio̱s. Ta jaá ní nákanian ndíki̱án ni̱ kee Ndio̱s xíʼín na̱yivi na̱ ni̱ kee ña̱ va̱ʼa, ta na̱ ni̱ kee ña̱ ko̱ váʼa. Sa̱ʼá ña̱yóʼo kuu va kundaa̱ ini yó ndixi ió ini Ndio̱s. Ta jaá ní káʼa̱n ña̱ ndixi kuu saa̱ yó kaneʼe táʼan va̱ʼa yó xíʼín sí. Kaʼvi ní Salmo 19:7, 11; Santiago 2:23, TYK xíʼín 4:8, TYK.

Tutu yóʼo chindeéán mií ní já kundaa̱ ini ní ña̱ káʼa̱n Tu̱ʼun Ndio̱s. Jáchi̱ nákanian ndixi kúni̱ kachi ña̱ va̱si nu̱ú Tu̱ʼun Ndio̱s, tátu̱ʼun ni̱ sa̱ kee Jesús ni̱ si̱na̱kani si ña̱ káʼa̱n Tu̱ʼun Ndio̱s. Jáchi̱ ni̱ sa̱ káʼa̱n Jesús sa̱ʼá ña̱ va̱si nu̱ú Tu̱ʼun Ndio̱s, ta ni̱ sa̱ nakani si ndixi kúni̱ kachian. Kaʼvi ní San Lucas 24:27, 45, TYK.

Kujii̱ ini yó tá ná kaʼvi yó Tu̱ʼun Ndio̱s jáchi̱ ña̱ va̱ʼa ndiva̱ʼo káʼa̱n ña̱yóʼo, ta ko̱ó ka̱ inga̱ tutu tátu̱ʼun ña̱yóʼo. Jo java na̱yivi ko̱ ndíʼi ini na kundaa̱ ini na ña̱ káʼa̱n, ta java ka̱ na̱ ndúu kueʼe̱ va na tá káʼa̱n yó xíʼín ná sa̱ʼá Tu̱ʼun Ndio̱s. Jo o̱kíʼa ní mií ní ña̱ jánándiko̱ na ini ní, jáchi̱ Tu̱ʼun Ndio̱s káʼa̱n ña̱ kuu kutaku ní ndijaá táʼa̱n kivi tá ná kaxini̱ ní Ndio̱s. Kaʼvi ní Juan 17:3, TNM.