”Wektuné wis teka, lan Kratoné Allah wis cedhak. Mertobata, lan nduwéa iman marang kabar apik.”​—Markus 1:15, Kitab-Kitab Yunani Kristen Terjemahan Donya Anyar.

 ”Iki wis tekan ing titimangsané; Kratoning Allah wus cedhak. Padha mratobata, lan pracayaa marang Injil!”​—Markus 1:15, Kitab Suci mawi Basa Jawi Resmi.

 Yésus Kristus ngandhani wong-wong nèk Kratoné Allah a ”wis cedhak” merga Yésus, sing bakal dadi Raja ing kraton kuwi, wis ana ing kono.

 Kuwi ora berarti nèk Kratoné Allah wis mréntah wektu kuwi. Malah, Yésus akhiré ngandhani murid-muridé nèk Kratoné Allah bakal mréntah ing masa depan. (Kisah 1:6, 7) Sakjané, liwat omongané kuwi, Yésus péngin nduduhké nèk tekané ing taun kuwi wis sesuai karo ramalané Alkitab soal dhèwèké sing bakal dadi Raja ing masa depan. b Mula, Yésus isa ngomong nèk ”wektuné wis teka”. Kuwi maksudé wektuné Yésus kanggo mulai martakké injil, utawa kabar apik, soal Kratoné Allah.​—Lukas 4:16-21, 43.

 Bèn isa éntuk manfaat saka kabar apik soal Kratoné Allah, wong-wong kudu mertobat. Kuwi maksudé ngrasa gela karo kesalahan sing wis tau ditindakké lan manut pathokané Gusti Allah. Wong-wong sing nindakké kuwi nduduhké nèk nduwé iman marang kabar apik soal Kratoné Allah.

 Yésus ngomongké iki wektu mulai pelayanané ing Galiléa. Matius 4:17 ngomong nèk ”wiwit wektu kuwi” Yésus mulai martakké soal Kratoné Allah. Kratoné Allah dadi topik utama pelayanané Yésus. Malah, kata Kratoné Allah disebutké luwih saka ping 100 ing kitab-kitab Injil c, lan akèh-akèhé kuwi saka omongané Yésus. Ing Alkitab, Yésus luwih akèh ngomongké soal Kratoné Allah ketimbang topik liyané.