Wajar nèk kowé males sekolah, apamanèh ing sekolahan ketemu kanca sing nakal, guru sing galak, ana ujian sing angèl, terus PR-é ya akèh. a Cah enom sing jenengé Rachel b ngomong:

 ”Aku milih kanggo lunga ing panggonan liya daripada sekolah. Mendhingan aku lunga ing pantai, dolan karo kanca-kancaku, utawa ngéwangi wong tuwaku resik-resik omah lan masak.”

 Mungkin kowé ya ngrasa kaya Rachel. Pas ing sekolah, rasané kaya ing penjara. Kowé kudu berjuang nganti mengko lulus sekolah. Tapi, ana saran-saran bèn kowé isa menikmati pas sekolah.

 Apa kowé ngerti? Nèk nduwé pandhangan sing positif soal sekolah, kowé ora bakal ngrasa terbebani. Kowé isa mikir nèk sekolah kuwi kesempatan kanggo nglatih ketrampilanmu bèn isa bermanfaat pas kowé wis déwasa.

 Bèn isa nduwé pandhangan sing positif soal sekolah, coba pikirna iki:

 Pendidikan. Nèk nduwé pengetahuan, kowé dadi ngerti carané ngatasi masalah, termasuk pas kowé wis kerja. Sakliyané kuwi kowé ya isa dadi mandiri, ora terus-terusan njaluk bantuané wong liya. Pikirna iki, ’Meskipun ana sing ora tak senengi pas sekolah, tapi apa manfaaté nèk aku gelem sekolah?’

 Ayat: ”Terusa tumindak wicaksana lan gunakna kemampuan kanggo mikir.”—Wulang Bebasan 3:21.

 Kebiasaan. Rutinitas ing sekolah isa nglatih kowé bèn terbiasa ngatur wektu, gelem kerja keras, lan dadi luwih disiplin. Kuwi bakal bermanfaat pas kowé wis déwasa. Pikirna iki, ’Pas ing sekolah, kira-kira apa sing isa nggawé aku dadi luwih disiplin lan sregep? Apa sing isa tak upayakké bèn luwih disiplin lan sregep?’

 Ayat: ”Kabèh kerja keras kuwi ana manfaaté.”—Wulang Bebasan 14:23.

 Hubungan karo wong liya. Nèk kerep bergaul karo kanca sekolahmu, kuwi isa mbantu kowé bèn perduli lan ngajèni wong liya. Cah lanang sing jenengé Joshua ngomong, ”Sinau carané omong-omongan karo wong liya kuwi padha pentingé karo sinau sejarah lan ilmu pengetahuan. Kemampuan kuwi bermanfaat kanggo uripmu.” Pikirna iki, ’Apa manfaaté aku bergaul karo kanca-kanca ing sekolah, meskipun latar belakang lan kepercayaané meréka béda karo aku?’

 Ayat: ”Kudu rukun karo kabèh wong.”—Ibrani 12:14.

 Masa depan. Ing sekolah, kowé isa ngerti apa ketrampilanmu lan ya isa mikirké sukmbèn arep piyé. Cah wédok sing jenengé Brooke ngomong, ”Aku sinau ketrampilan sing cocog karo gawéan sing tak péngini. Nèk misalé kowé kaya ngono, mengko pas lulus isa luwih gampang kanggo nggolèk gawéan.” Pikirna iki, ’Sakwisé lulus, aku péngin kerja apa? Aku kudu ngapa bèn isa kerja sesuai karo sing tak péngini?’

 Ayat: ”Apa sing arep koktindakaké, gagasen lan pikiren dhisik sing mateng.”—Wulang Bebasan 4:26, Kitab Suci mawi Basa Jawi Padintenan.