Gusti Allah perduli karo umaté sing lara. Yéhuwah janji, ”Wektu dhèwèké lara, Yéhuwah ora bakal ninggalké dhèwèké.” (Mazmur 41:3) Nèk njenengan lagi lara parah, ana saran-saran sing apik ing kéné:

1.   Ndonga bèn tetep tenang. Gusti Allah bakal mènèhi ”rasa ayem sing ora isa dipahami manungsa”. Hasilé, njenengan isa tetep tenang lan ora kuwatir.​—Filipi 4:6, 7.

2.   Tetep semangat. Menurut Alkitab, ”Ati sing seneng kuwi obat sing manjur, ning wong sing ora semangat bakal kentèkan tenaga.” (Wulang Bebasan 17:22) Nèk terlalu serius lan ora seneng guyon, mengko njenengan isa sedhih terus lan tambah parah larané.

3.   Mikirké janjiné Gusti Allah sukmbèn. Njenengan isa tetep bahagia nèk mikirké janjiné Gusti Allah. (Roma 12:12) Gusti Allah janji nèk ora bakal ana sing ngomong, ”Aku lara.” (Yésaya 33:24) Penyakit sing saiki ora ana obaté bakal ora ana manèh. Malah, menurut Alkitab, wong sing wis tuwa isa dadi enom lan séhat manèh. Ing Alkitab ditulis, ”Muga-muga awaké dadi luwih séhat timbang wektu isih enom. Muga-muga dhèwèké dadi kuwat manèh kaya pas dhèwèké isih enom.”​—Ayub 33:25.

 Keterangan: Meskipun wis ngerti janjiné Gusti Allah sukmbèn soal wong lara, tapi Seksi-Seksi Yéhuwah ya tetep berobat nèk pas lara. (Markus 2:17) Seksi-Seksi Yéhuwah ora nyaranké pengobatan apa-apa. Saben wong kudu milih dhéwé pengobatané.