NOUMEA, Kaledonia Baru—Bengi-bengi tanggal 13 Maret 2015, Kepulauan Vanuatu ing Samudra Pasifik kena Badai Pam Kategori 5. Menurut kantor cabangé Seksi-Seksi Yéhuwah ing Kaledonia Baru, ora ana Seksi Yéhuwah ing Vanuatu sing luka-luka utawa mati. Durung ngerti pastiné apa waé sing rusak. Tapi ing Pulau Efate, ana 31 omahé Seksi Yéhuwah sing hancur lan 58 sing rusak parah. Ing Pulau Tanna, mèh kabèh omahé Seksi Yéhuwah hancur utawa rusak parah. Terus ya ana telu Balai Ibadah sing hancur lan siji sing kambrukan wit.

Panitia penanggulangan bencana sing ana ing Port Vila, Vanuatu, nyedhiakké panganan, banyu, lan tempat pengungsian kanggo kira-kira 100 keluarga Seksi. Terus, ana bantuan kemanusiaan sak ton sing dikirim kanggo para sedulur ing Tanna. Kantor cabang ing Australia kerja sama karo kantor cabang ing Kaledonia Baru kanggo mènèhi bantuan. Kuwi termasuk nggawé tempat pengungsian, ndandani omah sing rusak, terus nyedhiakké kasur, selimut, sprèi, pakaian, lan kebutuhan liyané.

Jean-Pierre Francine, juru bicarané Seksi-Seksi Yéhuwah ing Kaledonia Baru, ngomong, ”Kami maturnuwun banget merga ana bantuan saka Australia lan pamréntah. Terus, merga bandara ing Vanuatu wis dibukak manèh, ana para sedulur saka Kaledonia Baru sing ditugaské kanggo nguwatké para sedulur ing Vanuatu.”

Kontak Média:

Internasional: J. R. Brown, Kantor Humas Pusat (Office of Public Information), +1 718 560 5000

Kaledonia Baru: Jean-Pierre Francine, +687 43 75 00