Jutaan Seksi-Seksi Yéhuwah lan akèh wong liyané bakal mèngeti sédané Yésus ing dina Selasa, 7 April 2020. Acara taunan iki penting banget. Ning, acara Pèngetan iki ora kaya biasané merga ana Virus Corona. Akèh wong sakdonya mèlu acara iki liwat video call.

Merga ana wabah virus corona, pamréntah ing akèh negara nglarang wong kumpul ing jumlah sing akèh ing panggonan umum. Dadi, akèh jemaat sakdonya nganakké perhimpunan nggunakké video call. Acara Pèngetan ya nggunakké cara sing padha. Kanggo wong-wong sing péngin nonton, rekamané isa ditonton ing jw.org.

Taun wingi, ana luwih saka 20 juta wong sing mèlu acara Pèngetan iki. Muga-muga ing taun iki ya ana jutaan wong sing isa mèlu acara Pèngetan liwat video call, télpon, utawa nonton rekamané ing jw.org.

Ing akèh negara, virus corona isih terus nyebar lan iki bahaya kanggo wong-wong. Bèn ora kena virus iki, awaké dhéwé kudu terus manut kabèh petunjuk nganti wabah iki ora ana manèh. Senajan keadaané susah, awaké dhéwé kudu ngupaya nindakké préntahé Yésus, yaiku “Terus tindakna iki kanggo ngéling-éling aku.” Awaké dhéwé percaya nèk iki kabèh isa kelakon merga bantuan saka Yéhuwah.​—Lukas 22:19.