1 Babad 16:1-43
16 Terus, Pethiné Gusti Allah sing bener digawa lan dilebokké ing kémah sing wis disedhiakké Daud.+ Bar kuwi, wong-wong kuwi mènèhké persembahan bakaran lan korban kerukunan* ing ngarepé Gusti Allah sing bener.+
2 Sakwisé rampung mènèhké persembahan bakaran+ lan korban kerukunan,*+ Daud mberkahi bangsa kuwi nganggo jenengé Yéhuwah.
3 Bar kuwi, Daud mbagèkké roti bunder, kué kurma, lan kué kismis marang kabèh wong Israèl, yaiku marang saben wong lanang lan wong wédok.
4 Terus, dhèwèké nglantik sebagéan wong Lèwi kanggo nglayani ing ngarep Pethiné Yéhuwah,+ kanggo ngluhurké,* ngucap syukur, lan muji Yéhuwah Gusti Allahé Israèl.
5 Asaf+ sing dadi pemimpiné, lan Zakharia dadi wong sing nomer loro sakwisé Asaf. Yéièl, Syémiramot, Yéhièl, Matitia, Èliab, Bénaya, Obèd-édom, lan Yéièl+ mainké alat musik bersenar lan harpa,+ Asaf sing mainké simbal,+
6 Imam Bénaya lan Imam Yahazièl ajeg nyebul trompèt ing ngarep pethi perjanjiané Gusti Allah sing bener.
7 Ing dina kuwi, Daud pertama kali nggawé nyanyian syukur kanggo Yéhuwah, sing dinyanyèkké Asaf+ lan sedulur-seduluré, sing isiné:
8 ”Ucapna syukur marang Yéhuwah,+ sebutna jenengé wektu ndonga,Critakna soal tumindaké marang bangsa-bangsa!+
9 Ayo nyanyi kanggo Dhèwèké, ayo nyanyi lagu pujian* kanggo Dhèwèké,+Pikirna* kabèh tumindaké sing luar biasa.+
10 Kowé kudu muji jenengé sing suci.+
Muga-muga wong sing nggolèk tuntunané Yéhuwah dadi seneng atiné.+
11 Golèka tuntunané Yéhuwah+ lan njaluka kekuwatané.
Kowé kudu terus njaluk tulung marang Dhèwèké.*+
12 Kowé kudu éling karo tumindaké sing luar biasa,+Karo mukjijaté lan hukuman sing wis tau ditindakké,
13 Hé kowé keturunané* Israèl abdiné Gusti Allah,+Hé kowé anak-anaké Yakub, wong-wong pilihané.+
14 Dhèwèké kuwi Yéhuwah Gusti Allahé awaké dhéwé,+Dhèwèké ngadili kabèh wong ing bumi.+
15 Gusti Allah ora lali karo perjanjiané,Dhèwèké éling karo janjiné nganti saklawasé,+
16 Yaiku perjanjian sing wis digawé karo Abraham,+Lan sumpah sing wis diucapké marang Ishak.+
17 Sumpah kuwi dadi jaminan kanggo Yakub+Lan dadi perjanjian kanggo Israèl nganti saklawasé.
18 Gusti Allah ngomong, ’Aku bakal mènèhké tanah Kanaan+Bèn dadi warisan kanggo kowé.’+
19 Wektu Gusti Allah ngomong kuwi, jumlahmu isih sithik,Sithik banget, lan kowé isih dadi wong asing ing tanah kuwi.+
20 Wong Israèl pindhah-pindhah ing negara sing béda-bédaLan ing kerajaan sing béda-béda.+
21 Gusti Allah ora meneng waé wektu ana sing arep nindhes wong Israèl.+
Gusti Allah mènèhi préntah marang raja-raja kanggo nglindhungi umaté.+
22 Dhèwèké ngomong, ’Wong-wong sing Tak lantik aja mbok apak-apakké,Lan nabi-nabi-Ku aja mbok jahati.’+
23 Hé kabèh wong ing bumi, ayo nyanyi lagu kanggo Yéhuwah.
Saben dina, umumna soal tumindaké wektu nylametké manungsa.+
24 Critakna soal kemuliaané ing antarané bangsa-bangsaLan soal tumindaké sing luar biasa ing antarané kabèh suku bangsa.
25 Yéhuwah kuwi agung lan pantes dipuji.
Dhèwèké luwih hébat timbang allah-allah liyané.+
26 Kabèh allahé bangsa-bangsa ora ana gunané,+Ning Yéhuwah kuwi sing nggawé langit.+
27 Dhèwèké mulya lan hébat.+
Panggonané sing suci kuwi apik banget, lan kekuwatané Gusti Allah ana ing kono.+
28 Hé kowé suku-suku bangsa, luhurna Yéhuwah.
Pujinen Yéhuwah merga kemuliaan lan kekuwatané.+
29 Luhurna Yéhuwah merga jenengé.+
Kowé kudu nggawa hadiah lan mlebu ing ngarepé.+
Kowé kudu sujud marang* Yéhuwah nganggo klambi sing suci.+
30 Hé kabèh wong ing bumi, kowé kudu wedi marang* Dhèwèké.
Bumi tetep ana ing panggonané lan ora isa digoncangké.+
31 Muga-muga langit lan bumi ngrasa seneng.+
Umumna ing antarané bangsa-bangsa, ’Yéhuwah wis dadi Raja.’+
32 Muga-muga laut sak isiné padha sorak-sorak merga seneng.
Muga-muga padhang rumput lan kabèh sing ana ing kono ngrasa seneng.
33 Muga-muga wit sing ana ing hutan ya sorak-sorak merga seneng ing ngarepé Yéhuwah,Merga Dhèwèké teka* kanggo ngadili bumi.
34 Ucapna syukur marang Yéhuwah merga Dhèwèké apikan.+
Katresnané* ana saklawasé.+
35 Omonga, ’Oh Gusti Allah keslametanku,+ tulung slametna aku,Klumpukna lan slametna umat-Mu saka bangsa-bangsa,Bèn umat-Mu isa ngucap syukur kanggo jeneng-Mu sing suci+
Lan ngrasa seneng wektu muji Njenengan.+
36 Muga-muga Yéhuwah Gusti Allahé Israèl dipujiNganti saklawasé.’”*
Bangsa kuwi njawab, ”Amin!”* lan padha muji Yéhuwah.
37 Terus, Daud ninggalké Asaf+ lan sedulur-seduluré ing kono, yaiku ing ngarepé pethi perjanjiané Yéhuwah, supaya wong-wong kuwi isa ajeg nglayani ing ngarepé Pethi kuwi,+ sesuai karo jadwal kanggo saben dina.+
38 Obèd-édom lan sedulur-seduluré sing jumlahé 68, Obèd-édom anaké Yédutun, lan Hosa dadi penjaga gerbang.
39 Imam Zadok+ lan para imam liyané padha nindakké tugas ing ngarep tabernakelé Yéhuwah, ing panggonan dhuwur* ing Gibéon,+
40 bèn isa ajeg mènèhké persembahan bakaran marang Yéhuwah ing mézbah persembahan bakaran pas ésuk lan soré, lan bèn isa nindakké kabèh sing ditulis ing Hukumé Yéhuwah sing dipréntahké marang Israèl.+
41 Bareng karo wong-wong kuwi, ana Héman, Yédutun,+ lan wong-wong sing dipilih kanggo ngucap syukur marang Yéhuwah,+ merga ”katresnané* ana saklawasé”.+
42 Bareng karo wong-wong kuwi, Héman+ lan Yédutun ngunèkké trompèt, simbal, lan alat-alat musik kanggo muji* Gusti Allah sing bener. Anak-anaké lanang Yédutun+ tugas ing gerbang.
43 Terus, bangsa kuwi bali menyang omahé dhéwé-dhéwé, lan Daud lunga kanggo mberkahi keluargané dhéwé.
Katrangan Tambahan
^ Deloken Daftar Istilah.
^ Deloken Daftar Istilah.
^ Lit.: ”ngéling-éling”.
^ Utawa ”ayo main musik”.
^ Utawa mungkin ”Critakna”.
^ Lit.: ”terus nggolèki wajahé”.
^ Lit.: ”benihé”.
^ Utawa ”nyembah”.
^ Deloken Daftar Istilah.
^ Utawa ”wis teka”.
^ Utawa ”Katresnané sing langgeng”. Deloken Daftar Istilah.
^ Utawa ”Saka saklawasé nganti saklawasé”.
^ Utawa ”Dadia kaya ngono”.
^ Deloken Daftar Istilah.
^ Utawa ”katresnané sing langgeng”. Deloken Daftar Istilah.
^ Utawa ”alat-alat musik sing ngiringi lagu kanggo”.
