Hoséa 11:1-12
11 ”Pas Israèl isih cilik, Aku sayang karo dhèwèké.+
Saka Mesir Aku ngundang* anak-Ku.+
2 Saya kerep diundang,*Dhèwèké malah saya ngedohi Aku.+
Dhèwèké terus-terusan mènèhké korban marang patung-patung Baal+Lan persembahan bakaran marang patung-patung ukiran.+
3 Ning, Aku sing ngajari Éfraim mlaku+ karo nyangga wong-wong kuwi nganggo lengen-Ku.+
Aku wis nambani wong-wong kuwi, ning wong-wong kuwi ora ngakoni.
4 Katresnan lan sifat apikan-Ku+ Tak gunakké kaya tali sing narik wong-wong kuwi bèn nyedhak marang Aku.*
Kanggoné wong-wong kuwi, Aku kaya wong sing ngangkat kayu saka guluné wong-wong kuwi.
Wong-wong kuwi wis padha Tak wènèhi pangan.
5 Wong-wong kuwi ora bakal bali manèh menyang Mesir, ning Asiria bakal dadi rajané+Merga wong-wong kuwi ora gelem mertobat lan bali marang Aku.+
6 Kutha-kuthané bakal diserang nganggo pedhang.+
Palang-palang gerbang kuthané bakal dihancurké, lan wong-wong kuwi bakal dipatèni merga rencana jahaté.+
7 Umat-Ku bola-bali ora setya marang Aku.+
Senajan dikongkon bali marang Gusti Allah sing Mahaluhur,* umat-Ku ora nanggepi.
8 Éfraim, mosok Aku ninggalké kowé?+
Israèl, mosok Aku nyerahké kowé marang mungsuhmu?
Mosok kowé Tak singkirké kaya Adma?
Mosok kowé Tak singkirké kaya Zéboyim?+
Perasaan-Ku wis berubah,Saiki Aku mesakké karo kowé.+
9 Aku ora bakal nduduhké nèk Aku nesu.
Éfraim ora bakal Tak singkirké manèh+Merga Aku iki Gusti Allah lan dudu manungsa,Sing Mahasuci ing antaramu.
Aku ora bakal marani kowé karo nesu.
10 Wong-wong kuwi bakal padha ngibadah manèh marang Yéhuwah, lan Gusti Allah bakal nyuwara banter kaya singa.+
Pas Gusti Allah nyuwara banter, anak-anaké bakal teka saka kulon karo gemeter.+
11 Pas metu saka Mesir, wong-wong kuwi bakal gemeter kaya manuk.
Kaya manuk dara, wong-wong kuwi bakal gemeter pas metu saka Asiria.+
Aku bakal nggawé wong-wong kuwi manggon ing omahé dhéwé-dhéwé,” kandhané Yéhuwah.+
12 ”Éfraim terus-terusan ora jujur karo Aku,Lan Israèl ya seneng ngapusi.+
Ning, Yéhuda tetep ngetutké* Gusti AllahLan setya marang Sing Mahasuci.”+
Katrangan Tambahan
^ Utawa ”nyeluk”.
^ Maksudé, diundang karo para nabi lan wong-wong liyané sing diutus kanggo mulang Israèl.
^ Mungkin maksudé tali sing digunakké wong tuwa kanggo ngajari anaké mlaku.
^ Utawa ”dikongkon nindakké ibadah sing bener”.
^ Utawa ”tetep mlaku karo”.
