Hoséa 12:1-14
12 ”Éfraim percaya karo sing ora ana gunané.*
Sedina muput, dhèwèké ngoyak* angin wétan.
Dhèwèké terus-terusan ngapusi lan tumindak kejem.
Dhèwèké nggawé perjanjian karo Asiria+ lan nggawa minyak menyang Mesir.+
2 Yéhuwah arep nggugat Yéhuda.+
Gusti Allah bakal ngukum Yakub sesuai karo kelakuané
Lan mbales dhèwèké sesuai karo tumindaké.+
3 Pas ing njero wetengé ibuné, dhèwèké nyekel sikilé* kakangé,+Lan nganggo kabèh kekuwatané, dhèwèké gelut karo Gusti Allah.+
4 Dhèwèké terus-terusan gelut karo malaékat lan menang.
Karo nangis-nangis, dhèwèké njaluk berkah.”+
Gusti Allah ketemu karo dhèwèké ing Bètel, lan ing kono Gusti Allah mulai omong-omongan soal awaké dhéwé.*+
5 Yéhuwah kuwi Gusti Allah pemimpiné pasukan.+
Yéhuwah kuwi jenengé, lan nganggo jeneng kuwi Dhèwèké kudu diéling-éling.+
6 ”Mula, mertobata marang Gusti Allahmu.+
Terusa nduduhké katresnan sing langgeng* lan keadilan,+Lan terusa ngarep-arep marang Gusti Allahmu.
7 Para pedagang nggunakké ukuran timbangan sing ora pas.
Wong-wong kuwi seneng ngapusi.+
8 Éfraim terus-terusan ngomong, ’Aku wis sugih,+Aku wis nduwé akèh harta.+
Aku nduwé kabèh iki merga kerja kerasku. Aku ora isa ditudhuh salah utawa dosa.
9 Ning Aku iki Yéhuwah, Gusti Allahmu kèt kowé ana ing Mesir.+
Aku bakal nggawé kowé manggon ing kémah-kémah manèh,Kaya pas dina-dina perayaan sing wis ditentokké.
10 Aku ngomong marang para nabi,+Aku mènèhi wahyu sing luwih akèh,Lan Aku ya mènèhi perumpamaan liwat para nabi.
11 Ing Giléad, wong-wong padha ngapusi*+ lan ora jujur.
Ing Gilgal, wong-wong kuwi padha ngorbanké sapi-sapi.+
Mézbah-mézbahé kaya tumpukan watu ing ladhang.+
12 Yakub mlayu menyang dhaérah* Aram.*+
Israèl+ kerja ing kono bèn isa éntuk bojo.+
Bèn isa éntuk bojo, dhèwèké angon domba.+
13 Liwat nabi, Yéhuwah nggawa Israèl metu saka Mesir.+
Liwat nabi, Dhèwèké njaga Israèl.+
14 Éfraim nggawé Gusti Allah lara ati banget.+
Dhèwèké bakal tetep salah merga wis matèni.
Gustiné bakal ngrendhahké dhèwèké kaya dhèwèké wis ngrendhahké Gustiné.”+
Katrangan Tambahan
^ Utawa ”nguber”.
^ Lit.: ”Éfraim mangan angin”.
^ Lit.: ”tungkaké; tumité”.
^ Mungkin maksudé keturunané Yakub.
^ Deloken Daftar Istilah.
^ Utawa ”padha nggunakké ilmu gaib”.
^ Utawa ”Siria”.
^ Lit.: ”padhang”.