Pangandharing Torèt 33:1-29
33 Iki berkah sing diomongké Musa abdiné Gusti Allah sing bener marang wong Israèl sakdurungé dhèwèké mati.+
2 Musa kandha,”Yéhuwah teka saka Sinai,+Lan Dhèwèké madhangi umaté saka Séir.
Gusti Allah bersinar kaya matahari saka pegunungan Paran.+
Puluhan èwu malaékat sing suci bareng karo Dhèwèké.+
Para prajurité ana ing tangan tengené.+
3 Dhèwèké nresnani umaté.+
Kabèh umat sing suci kuwi ana ing tangané.+
Wong-wong kuwi lungguh ing sikilé.+
Wong-wong kuwi mulai ngrungokké omongané.+
4 (Musa mènèhi awaké dhéwé hukum.+
Hukum kuwi dadi duwèké keturunané Yakub.)+
5 Lan Gusti Allah dadi raja ing Yésyurun*+Wektu para pemimpiné bangsa kuwi ngumpul bareng+Karo kabèh suku Israèl.+
6 Muga-muga Rubèn urip lan ora mati.+
Aja nganti wong-wong ing sukuné dadi sithik.”+
7 Terus Musa mberkahi suku Yéhuda,+
”Yéhuwah, rungokna swarané Yéhuda,+Muga-muga Njenengan nggawa dhèwèké bali marang bangsané.
Dhèwèké nglindhungi apa sing dadi duwèké nganggo kekuwatané.Muga-muga Njenengan nulungi dhèwèké ngadhepi mungsuhé.”+
8 Iki sing diomongké Musa soal suku Lèwi,+
”Tumim lan Urimé+ Njenengan kuwi duwèké wong sing setya marang Njenengan.+
Wektu ing Masa, Njenengan péngin ngerti wong kuwi manut apa ora.+
Njenengan padu karo dhèwèké ing Mata Air Mériba,+
9 Wong Lèwi ora perduli karo bapak ibuné.
Malah ora ngakoni sedulur-seduluré,+Lan ora perduli karo anak-anaké.
Wong-wong kuwi manut karo omongan-Mu,Lan nindakké perjanjian-Mu.+
10 Wong-wong kuwi bèn mulang Yakub soal peraturan-Mu,+Lan mulang Israèl soal Hukum-Mu.+
Muga-muga wong-wong kuwi mènèhké dupa kanggo Njenengan+Lan mènèhké persembahan ing mézbah-Mu.+
11 Yéhuwah tulung berkahi dhèwèké nganggo kekuwatan.Muga-muga Njenengan seneng karo kerja kerasé.
Muga-muga Njenengan ngremuk sikilé* wong-wong sing nglawan dhèwèké,Supaya kabèh wong sing sengit marang dhèwèké ora isa ngadeg manèh.”
12 Iki sing diomongké Musa soal suku Bènyamin,+”Muga-muga wong sing disayangi Yéhuwah aman ing cedhaké dhèwèké.*
Wektu dhèwèké* nglindhungi wong kuwi awan lan bengi,Wong kuwi bakal ana ing antarané pundhaké.”*
13 Iki sing diomongké Musa soal keturunané Yusuf,+”Muga-muga tanahé diberkahi Yéhuwah+Nganggo apa waé sing apik saka langit,Nganggo embun lan mata air sing ana ing lemah,+
14 Nganggo apa waé sing apik sing thukul merga matahariLan nganggo hasil tanah sing apik saben sasi,+
15 Nganggo apa waé sing paling apik saka gunung-gunung jaman mbiyèn*+Lan nganggo apa waé sing apik saka bukit-bukit sing wis suwé ana,
16 Nganggo apa waé sing apik saka bumi lan isiné,+Lan Gusti Allah sing wis tau ana ing semak berduri bakal mberkahi dhèwèké.+
Muga-muga kabèh berkah kuwi ditampa Yusuf,Wong sing dipilih saka antarané sedulur-seduluré.+
17 Kekuwatané kaya anak pertamané sapi lanang,Lan sunguné ya kaya sunguné sapi lanang liar.
Dhèwèké nyrudug bangsa-bangsa nganggo sungunéNganti tekan pucuké bumi.
Sungu-sungu kuwi kaya puluhan èwu wong Éfraim+Lan kaya pirang-pirang èwu wong Manasyé.”
18 Iki sing diomongké Musa soal suku Zébulon,+”Zébulon, kowé kudu seneng wektu kowé lunga dagang,Isakhar, kowé kudu seneng wektu kowé ana ing njero kémahmu.+
19 Wong-wong kuwi bakal ngundang* bangsa-bangsa menyang gunung.
Ing kana, wong-wong kuwi bakal mènèhké korban-korban sing bener.
Wong-wong kuwi bakal njupuk* hasil laut sing akèh bangetLan harta sing kependhem ing pasir.”
20 Iki sing diomongké Musa soal suku Gad,+”Wong sing nggawé wilayahé Gad saya amba bakal diberkahi.+
Dhèwèké ana ing kono kaya singa,Siap nyabik-nyabik lengen lan sirahé korbané.
21 Dhèwèké bakal milih tanah sing paling apik.+
Kuwi bagéan sing wis disiapké karo wong sing mènèhi hukum.+
Para pemimpiné bangsa kuwi bakal ngumpul.
Dhèwèké bakal nindakké keadilané YéhuwahLan hukumé kanggo Israèl.”
22 Iki sing diomongké Musa soal suku Dan,+”Dan kuwi kaya anak singa.+
Dhèwèké bakal mlumpat metu saka Basyan.”+
23 Iki sing diomongké Musa soal suku Naftali,+”Naftali puas merga Yéhuwah apikanLan mberkahi dhèwèké.
Jupuken wilayah kulon lan kidul.”
24 Iki sing diomongké Musa soal suku Asyèr,+”Gusti Allah wis mberkahi Asyèr nganggo akèh anak.
Muga-muga dhèwèké disenengi sedulur-seduluré,Lan muga-muga dhèwèké nyelupké sikilé ing minyak.
25 Gemboké gerbangmu kuwi wesi lan tembaga,+Lan kowé bakal aman sakjegé uripmu.*
26 Ora ana sing kaya Gusti Allahé+ Yésyurun,+Sing nulungi kowé saka langitLan sing nganggo kemuliaané lungguh ing méga.+
27 Saka jaman mbiyèn,+ Gusti Allah sing nglindhungi,Dhèwèké bakal ndhukung kowé nganggo kekuwatané* sing ana saklawasé.+
Dhèwèké bakal ngusir mungsuh saka ngarepmu,+Lan Dhèwèké bakal kandha, ’Singkirna wong-wong kuwi.’+
28 Israèl bakal aman uripé,Keturunané* Yakub bakal tentrem uripéIng tanah sing akèh biji-bijian lan anggur anyaré,+Sing langité nelesi lemah nganggo embun.+
29 Israèl, kowé seneng.+
Ora ana sing kaya kowé,+Bangsa sing dislametké Yéhuwah,+Sing dadi tamèng kanggo nglindhungi kowé+Lan dadi pedhangmu sing hébat.
Mungsuhmu bakal ngrasa wedi ing ngarepmu,+Lan kowé bakal ngidak gegeré.”*
Katrangan Tambahan
^ Artiné ”Wong sing Bener”, gelar kanggo ngajèni Israèl.
^ Utawa ”pinggangé”.
^ Utawa mungkin ”ing cedhaké Dhèwèké”.
^ Utawa mungkin ”Wektu Dhèwèké”.
^ Utawa mungkin ”ing antarané pundhaké Dhèwèké”.
^ Utawa mungkin ”gunung-gunung ing wétan”.
^ Utawa ”nyeluk”.
^ Lit.: ”nyedhot”.
^ Lit.: ”Lan dina-dinamu bakal dadi kaya kekuwatanmu”.
^ Lit.: ”lengené”.
^ Lit.: ”Mata airé”.
^ Utawa mungkin ”panggonan-panggonané sing dhuwur”.
