Yérémia 33:1-26
33 Pas Yérémia isih ditahan ing Halaman Penjaga,+ Yéhuwah kandha manèh marang Yérémia,
2 ”Iki sing diomongké Yéhuwah, Sing Nggawé bumi. Dhèwèké kuwi sing mbentuk lan nggawé kuwi bèn tetep ana ing panggonané. Yéhuwah kuwi jenengé. Iki sing diomongké Yéhuwah:
3 ’Ndongaa marang Aku, lan Aku bakal njawab kowé. Kowé ya bakal langsung Tak kandhani perkara-perkara luar biasa sing ora isa mbok pahami, sing durung mbok ngertèni.’”+
4 ”Yéhuwah Gusti Allahé Israèl wis ngandhani soal omah-omah ing kutha iki lan istanané para raja Yéhuda sing diambrukké kanggo nggawé pertahanan bèn isa nglawan kubu pengepungan lan pedhangé mungsuh,+
5 soal wong-wong sing teka kanggo nglawan wong Khaldéa, lan soal kutha sing dikebaki karo mayaté wong-wong sing dipatèni merga Gusti Allah nesu banget. Gusti Allah ninggalké kutha iki merga kejahatané wong-wong ing kono.
6 Iki sing diomongké Gusti Allah: ’Aku bakal nggawé penduduké pulih lan séhat manèh.+ Aku bakal nambani wong-wong kuwi lan mènèhi kedamaian lan keamanan sing akèh banget.+
7 Wong Yéhuda lan wong Israèl sing ditawan bakal Tak gawa bali.+ Wong-wong kuwi bakal Tak kuwatké, kaya sing mbiyèn Tak tindakké.+
8 Aku bakal ngapura kabèh kesalahan, dosa,+ lan pelanggarané wong-wong kuwi marang Aku+ bèn wong-wong kuwi dadi resik.
9 Pas krungu jenengé kutha iki, Aku bakal seneng. Kutha iki bakal nggawé Aku dipuji lan diluhurké karo kabèh bangsa ing bumi sing krungu soal apa sing apik sing Tak tindakké marang umat-Ku.+ Wong-wong kuwi bakal wedi lan ndredheg+ merga kedamaian lan kabèh sing apik sing bakal Tak wènèhké marang kutha kuwi.’”+
10 ”Iki sing diomongké Yéhuwah: ’Kowé bakal kandha nèk panggonan iki gersang, ora ana wong utawa kéwané, lan nèk kutha-kutha Yéhuda lan dalan-dalan Yérusalèm wis ditelantarké, ora ana wong utawa penduduk utawa kéwané. Ing panggonan-panggonan kuwi bakal ana manèh
11 swara seneng-seneng,+ swarané mantèn lanang, swarané mantèn wédok, lan swarané wong-wong sing kandha, ”Ucapna syukur marang Yéhuwah pemimpiné pasukan, merga Yéhuwah kuwi apikan.+ Katresnané* ana saklawasé.”’+
”’Wong-wong kuwi bakal mènèhké persembahan ucapan syukur menyang omahé Yéhuwah,+ merga Aku bakal nggawa bali rakyat tanah iki sing ditawan. Keadaané wong-wong kuwi bakal dadi kaya sakdurungé,’ kandhané Yéhuwah.”
12 ”Iki sing diomongké Yéhuwah pemimpiné pasukan: ’Ing panggonan sing gersang iki, sing ora ana wong utawa kéwané, lan ing kabèh kutha-kuthané, bakal ana padhang rumput manèh sing isa dienggo para gembala angon domba-dombané.’+
13 ”’Ing kutha-kutha ing dhaérah pegunungan, ing kutha-kutha ing dataran rendah, ing kutha-kutha sisih kidul, ing dhaérah Bènyamin, ing dhaérah sekitar Yérusalèm,+ lan ing kutha-kuthané Yéhuda,+ para gembala bakal ngétung domba-dombané manèh,’ kandhané Yéhuwah.”
14 ”Yéhuwah kandha, ’Bakal tekan wektuné, Aku mesthi bakal nepati kabèh sing wis Tak janjèkké soal bangsa Israèl lan bangsa Yéhuda.+
15 Wektu kuwi, Aku bakal mènèhi Daud keturunan* sing tumindaké bener,+ lan dhèwèké bakal nindakké apa sing adil lan sing bener ing tanah iki.+
16 Wektu kuwi, Yéhuda bakal dislametké+ lan Yérusalèm bakal manggon aman.+ Kutha kuwi bakal dijenengi ’Sing Bener Kuwi Asalé saka Yéhuwah.’”+
17 ”Iki sing diomongké Yéhuwah: ’Keturunané Daud bakal terus lungguh ing takhtané Israèl.+
18 Para imam Lèwi ya bakal terus nglayani ing ngarep-Ku. Para imam kuwi bakal mènèhké persembahan bakaran, ngobong persembahan biji-bijian, lan mènèhké korban.’”
19 Yéhuwah kandha manèh marang Yérémia,
20 ”Iki sing diomongké Yéhuwah: ’Aku wis nggawé perjanjian karo awan lan bengi, mula awan lan bengi mesthi teka pas wektuné. Nèk nganti kowé isa mbatalké perjanjian kuwi,+
21 berarti perjanjian-Ku karo abdi-Ku Daud ya isa dibatalké.+ Nèk nganti kuwi kelakon, Daud ora bakal nduwé anak sing mréntah dadi raja ing takhtané,+ lan perjanjian-Ku karo abdi-abdi-Ku,+ yaiku para imam Lèwi, ya bakal dibatalké.
22 Aku bakal nggawé keturunané* abdi-Ku Daud lan wong Lèwi sing nglayani Aku dadi saya akèh, kaya jumlahé kabèh sing ana ing langit* sing ora isa diétung lan kaya jumlahé pasir ing laut sing ora isa ditaker.’”
23 Yéhuwah kandha manèh marang Yérémia,
24 ”Apa kowé ora ngerti nèk wong-wong padha kandha, ’Yéhuwah bakal nolak rong keluarga sing wis Dhèwèké pilih’? Mula umat-Ku padha dirèmèhké lan ora dianggep dadi bangsa manèh.
25 ”Iki sing diomongké Yéhuwah: ’Kaya perjanjian sing wis Tak gawé karo awan lan bengi+ sing ora bakal berubah, lan kaya hukum-hukum soal langit lan bumi+ sing ora bakal berubah,
26 omongan-Ku ya ora bakal berubah. Aku ora bakal nolak keturunané* Yakub lan keturunané abdi-Ku Daud. Saka keturunané, Aku bakal milih wong-wong kanggo mréntah keturunané Abraham, Ishak, lan Yakub, sebab Aku bakal nglumpukké manèh wong-wongé sing ditawan+ lan mesakké wong-wong kuwi.’”+
Katrangan Tambahan
^ Utawa ”Katresnané sing langgeng”. Deloken Daftar Istilah.
^ Lit.: ”tunas”.
^ Lit.: ”benihé”.
^ Lit.: ”kaya pasukan sing ana ing langit”.
^ Lit.: ”benihé”.
