Yérémia 5:1-31
5 Lungaa menyang dalan-dalan ing Yérusalèm.
Deloken sekitaré, lan gatèkna.
Golèkana ing lapangan-lapangané.
Nèk kowé nemokké wong siji waé sing tumindak adil+Lan sing ngupaya tetep setya,Aku bakal ngapura Yérusalèm.
2 Senajan wong-wong kuwi kandha, ”Aku sumpah demi Yéhuwah, Gusti Allah sing urip.”
Wong-wong kuwi tetep waé nggawé sumpah palsu.+
3 Oh Yéhuwah, Njenengan kan nggolèki wong sing setya, ta?+
Njenengan ngukum umat-Mu, ning wong-wong kuwi ora ngrasa lara.
Njenengan wis arep nyingkirké wong-wong kuwi, ning wong-wong kuwi ora gelem diélikké.+
Atiné* wong-wong kuwi luwih atos timbang tebing watu.+
Wong-wong kuwi ora gelem mertobat marang Njenengan.+
4 Ning aku mikir, ”Wong-wong kuwi mesthi wong-wong sing ora penting.
Wong-wong kuwi tumindak bodho merga ora ngerti karepé Yéhuwah,*Ora ngerti hukumé Gusti Allahé.
5 Aku arep marani wong-wong penting lan arep tak ajak ngomong.
Wong-wong kuwi mesthi bakal nggatèkké apa sing dadi karepé Yéhuwah*Lan bakal nggatèkké hukumé Gusti Allahé.+
Ning, kabèh wong kuwi wis ngremuk kayu sing dipasang ing gulunéLan medhot ranté-ranténé.”
6 Kuwi sebabé singa hutan bakal nyerang wong-wong kuwi,Serigala saka padhang gurun bakal terus ngoyak* wong-wong kuwi,Lan macan tutul ngincer ing cedhak kutha-kuthané.
Saben wong sing metu saka kana bakal dicabik-cabik,Sebab pelanggarané wong-wong kuwi akèh banget.
Wong-wong kuwi wis bola-bali ora setya.+
7 Mula apa kuwi isa Tak apura?
Anak-anakmu ninggalké Aku,Lan wong-wong kuwi sumpah demi apa sing dudu Gusti Allah.+
Aku nyukupi kebutuhané wong-wong kuwi,Ning wong-wong kuwi bola-bali laku jinaLan bareng-bareng lunga menyang omahé pelacur.
8 Wong-wong kuwi kaya jaran lanang sing nafsu banget.
Wong-wong kuwi kepéngin ngawini bojoné wong liya.+
9 ”Wis sak mesthiné ta nèk wong-wong kuwi Tak hukum merga kuwi kabèh?” kandhané Yéhuwah.
”Wis sak mesthiné ta Aku mbales tumindaké bangsa sing kaya ngono kuwi?”+
10 ”Lungaa lan rusaken kebon-kebon angguré Yérusalèm,Ning aja nganti entèk.+
Kethoken tunas-tunasé sing isih enomMerga kuwi kabèh dudu duwèké Yéhuwah.
11 Bangsa Israèl lan bangsa Yéhuda wis bener-bener ngianati Aku,” kandhané Yéhuwah.+
12 ”Wong-wong kuwi ngomong sing ora bener soal Yéhuwah lan bola-bali ngomong,’Dhèwèké ora bakal nindakké apa-apa marang awaké dhéwé.*+
Awaké dhéwé ora bakal kena bencana.
Awaké dhéwé ora bakal ngalami kelaparan utawa perang.’+
13 Para nabiné padha omong kosong.
Omongané Gusti Allah ora ana ing atiné.
Bèn waé para nabi kuwi lenyap.”*
14 Kuwi sebabé, Yéhuwah Gusti Allah pemimpiné pasukan kandha,”Merga wong-wong kuwi kandha kaya ngono,Aku bakal nggawé omongan-Ku dadi kaya geni ing cangkemmu,*+Lan bangsa iki dadi kayuné.
Geni kuwi bakal ngobong wong-wong kuwi.”+
15 Yéhuwah kandha, ”Hé wong Israèl,+ ana bangsa saka adoh sing bakal Tak kongkon marani kowé.
Bangsa kuwi wis ana kèt mbiyèn.
Kuwi bangsa saka jaman kuna,Yaiku bangsa sing basané ora mbok ngertèniLan sing kata-katané ora mbok pahami.+
16 Wadhah panahé kaya kuburan sing mbukak.
Kabèh wong kuwi pejuang.
17 Panènan lan rotimu bakal dientèkké wong-wong kuwi.+
Anak-anakmu lanang lan wédok bakal dipatèni.
Kambing, domba, lan sapimu ya bakal dipatèni.
Wit anggur lan wit aramu bakal dientèkké.
Kutha-kuthamu sing ana bèntèngé sing mbok endelké bakal dihancurké prajurité wong-wong kuwi.”
18 Yéhuwah kandha, ”Senajan ngono, kowé ora bakal Tak singkirké nganti entèk.+
19 Nèk wong-wong kuwi takon, ’Ngapa kok Yéhuwah Gusti Allahé awaké dhéwé nindakké iki marang awaké dhéwé?’ jawaben wong-wong kuwi, ’Kowé wis ninggalké Aku bèn isa nglayani allah-allah palsu ing tanahmu. Mula, kowé ya bakal nglayani wong-wong asing ing tanah sing dudu duwèkmu.’”+
20 Sampèkna iki marang keturunané Yakub,Lan umumna iki ing Yéhuda:
21 ”Rungokna iki, hé kowé bangsa sing bodho lan ora nduwé pemahaman.+
Kowé nduwé mripat ning ora isa ndelok.+
Kowé nduwé kuping ning ora isa krungu.+
22 Yéhuwah kandha, ’Apa kowé ora wedi karo Aku?
Kuduné kowé ndredheg ing ngarep-Ku.
Aku iki sing nggawé pasir dadi batasé laut.
Aku nggawé batas kuwi dadi peraturan kanggo saklawasé bèn laut ora isa ngliwati.
Senajan ombak-ombaké gedhé, ning tetep ora isa ngliwati batas kuwi.
Senajan laut padha gemuruh, ning ombak-ombaké tetep ora isa ngliwati batas kuwi.+
23 Tapi atiné bangsa iki ndableg lan seneng mbrontak.
Wong-wong kuwi wis ninggalké Aku lan nuruti karepé dhéwé.+
24 Wong-wong kuwi ora mbatin,”Ayo awaké dhéwé wedi marang* Yéhuwah Gusti Allahé awaké dhéwéSing mènèhi udan ing wektuné,Yaiku udan pas musim gugur lan udan pas musim semi,Sing mènèhi jaminan nèk awaké dhéwé mesthi nduwé musim panèn.”+
25 Kowé ora isa nampa berkah-berkah mau merga salahmu dhéwé.
Kowé ora isa éntuk apa waé sing apik merga dosa-dosamu.+
26 Kuwi merga ana wong-wong jahat ing antarané umat-Ku.
Wong-wong kuwi ngincer, kaya wong sing ndhelik arep nangkep manuk.
Wong-wong kuwi masang jebakan sing marahi mati.
Wong-wong kuwi nangkep manungsa.
27 Kaya kurungan sing kebak manuk,Omahé wong-wong kuwi kebak barang-barang hasil penipuan.+
Kuwi sebabé wong-wong kuwi sugih lan nduwé kuwasa.
28 Wong-wong kuwi dadi lemu lan kulité kenceng.
Wong-wong kuwi nindakké akèh banget kejahatan.
Bèn isa makmur, wong-wong kuwi ora adil marang anak yatim+
Lan ora adil marang wong miskin.’”+
29 Yéhuwah kandha, ”Wis sak mesthiné ta nèk wong-wong kuwi Tak hukum merga kuwi kabèh?”
”Wis sak mesthiné ta Aku mbales tumindaké bangsa sing kaya ngono kuwi?
30 Perkara sing ngeri lan medèni wis kelakon ing tanah iki:
31 Para nabi nyampèkké ramalan palsu.+
Para imamé nggunakké wewenangé kanggo mréntah liyané.
Umat-Ku seneng karo sing kaya ngono kuwi.+
Ning pas kuwi kabèh berakhir, kowé arep ngapa?”
Katrangan Tambahan
^ Lit.: ”Wajahé”.
^ Lit.: ”dalané Yéhuwah”.
^ Lit.: ”dalané Yéhuwah”.
^ Utawa ”nguber”.
^ Utawa mungkin ”Dhèwèké ora ana”.
^ Maksudé, kaya omong kosongé wong-wong kuwi.
^ Maksudé, cangkemé Yérémia.
^ Deloken Daftar Istilah.
