Yésaya 1:1-31
1 Iki wahyu sing ditampa Yésaya*+ anaké Amoz soal Yéhuda lan Yérusalèm wektu pamréntahané raja-raja Yéhuda,+ yaiku Uzzia,+ Yotam,+ Ahaz,+ lan Hizkia:+
2 Hé langit, rungokna. Hé bumi, gatèkna,+Merga Yéhuwah wis ngomong ngéné,”Anak-anak lanang sing wis Tak urus lan Tak opèni+Malah mbrontak nglawan aku.+
3 Sapi waé kenal karo sing nduwéLan keledai waé ngerti ing endi wadhah pakané sing disedhiakké karo sing nduwé,Ning Israèl ora kenal Aku.*+
Umat-Ku dhéwé malah ora nduwé pemahaman.”
4 Cilaka tenan bangsa sing dosa kuwi,+Wong-wong sing kakèhan dosa,Anak-anak sing jahat lan bejat,Sing wis ora perduli karo Yéhuwah,+Sing wis ora ngajèni Gusti Allahé Israèl sing Mahasuci,Lan sing wis ninggalké Dhèwèké.
5 Ngapa kok kowé terus-terusan mbrontak? Apa kowé péngin dihukum luwih abot?+
Sirahmu kebak luka,Lan jantungmu kena penyakit.+
6 Saka sikil tekan sirah, ora ana bagéan sing séhat.
Awakmu bengkak, kebak luka, lan korèngen.
Kuwi kabèh ora ditambani,* ora diperban, lan ora diolèsi minyak.+
7 Tanahmu kuwi ora kopèn.
Kuthamu diobong.
Ing ngarepmu, wong asing mangan hasil tanahmu.+
Kabèh wis hancur, kaya bar diserang mungsuh.+
8 Kutha Zion wis ditinggal kaya gubug ing kebon anggur,Kaya gubug ing kebon timun,Lan kaya kutha sing dikepung.+
9 Nèk blas ora ana sing dislametké Yéhuwah pemimpiné pasukan,Awaké dhéwé mesthi wis dadi kaya SodomLan kaya Gomora.+
10 Hé kowé para pemimpiné Sodom,+ rungokna omongané Yéhuwah.
Hé wong Gomora,+ gatèkna hukumé* Gusti Allahé awaké dhéwé.
11 Yéhuwah kandha, ”Nèk kowé mènèhi korban sing akèh, apa gunané kuwi kanggo Aku?+
Aku wis bosen karo domba lanang+ sing mbok dadèkké persembahan bakaran lan karo gajihé kéwan sing lemu.+
Aku ora seneng karo getihé+ anak sapi,+ anak domba, lan kambing.+
12 Wektu kowé ngadhep Aku,+Sapa sing ngongkon kowéNgidak-idak halaman-Ku?+
13 Aja nggawa persembahan biji-bijian sing ora ana gunané manèh.
Aku sengit karo dupamu.+
Kowé ngumpul kanggo ngrayakké perayaan bulan anyar,+ Sabat,+ lan perayaan-perayaan liyané.+
Ning, Aku sengit banget merga kowé nggunakké ilmu gaib+ wektu ngumpul ing pertemuan suci.
14 Aku sengit karo perayaan bulan anyar lan perayaan-perayaan liyané sing mbok rayakké.
Kuwi dadi beban kanggo Aku.
Aku wis kesel nanggung beban kuwi.
15 Wektu kowé ndonga karo ngangkat tanganmu,Aku wegah ndelok kowé.+
Senajan kowé kerep ndonga,+Aku wegah ngrungokké.+
Kowé wis matèni wong akèh.+
16 Adusa, resikana awakmu.+
Aja nindakké kejahatan manèh ing ngarep-Ku.
Aja nindakké sing salah manèh.+
17 Kowé kudu ngupaya nindakké sing apik lan sing adil.+
Wong sing nindhes kudu mbok senèni.
Kowé kudu mbéla haké bocah yatim*Lan mbéla para randha.”+
18 Yéhuwah kandha, ”Ayo masalahé awaké dhéwé dirampungké.+
Senajan dosamu abang banget kaya getih,Kuwi bakal dadi putih kaya salju.+
Senajan dosamu kaya kain sing wernané abang,Kuwi bakal dadi putih kaya wol.
19 Nèk kowé gelem manut,Kowé bakal éntuk hasil sing apik saka tanah iki.+
20 Tapi nèk kowé ora gelem manut lan mbrontak,Kowé bakal dipatèni nganggo pedhang.+
Aku, Yéhuwah, sing wis ngomongké kuwi.”
21 Kutha sing setya+ kuwi wis dadi pelacur.+
Mbiyèn kutha kuwi adil+
Lan bener,+Tapi saiki kutha kuwi dienggoni wong sing seneng matèni wong liya.+
22 Pérakmu wis dadi ora murni,+Lan birmu wis kecampuran banyu.
23 Para pemimpinmu ndableg lan dadi kancané maling.+
Kabèh wong kuwi seneng nampa suap lan njaluk hadiah.+
Wong-wong kuwi ora adil marang bocah yatim*Lan ora gelem ngurusi kasusé para randha.+
24 Mula, Gusti sing bener, Yéhuwah pemimpiné pasukan,Gusti Allahé Israèl sing Kuwat, kandha,”Wis cukup. Aku bakal nyingkirké mungsuh-mungsuh-Ku,Lan Aku bakal mbales mungsuh-mungsuh-Ku.+
25 Kowé bakal Tak hukum,Regedanmu bakal Tak resiki nganggo banyu awu,*Lan kowé bakal Tak resiki bèn dadi murni.+
26 Kowé bakal Tak wènèhi hakim-hakimLan penaséhat-penaséhat kaya mbiyèn manèh.+
Sakwisé kuwi, kowé bakal disebut kutha sing adil lan setya.+
27 Zion bakal Tak tebus wektu Aku nindakké sing adil,+Lan penduduké bakal Tak gawa bali wektu Aku nindakké sing bener.
28 Wong sing mbrontak lan wong sing dosa bakal dipatèni bareng-bareng,+Lan wong sing ninggalké Yéhuwah bakal disingkirké.+
29 Kabèh wong sing péngin wit-wit gedhé sing mbok péngini bakal ngrasa isin,+Lan kowé bakal isin merga taman* sing mbok pilih.+
30 Kowé bakal dadi kaya wit gedhé sing godhongé layu+Lan kaya kebon sing ora disirami.
31 Wong sing kuwat bakal dadi kaya suket garing,Lan apa sing dhèwèké tindakké kaya geni sing mletik.
Kuwi kabèh bakal kobong bareng-bareng,Lan ora ana sing isa matèni geni kuwi.”
Katrangan Tambahan
^ Artiné ”Keslametan Kuwi saka Yéhuwah”.
^ Utawa ”majikané”.
^ Lit.: ”dipencèt”.
^ Utawa ”petunjuké”.
^ Utawa ”yatim piatu”.
^ Utawa ”yatim piatu”.
^ Lit.: ”nganggo larutan alkali”.
^ Mungkin wit karo taman sing dimaksud ing kéné ana hubungané karo nyembah brahala.
