Yésaya 35:1-10
35 Padhang belantara lan tanah sing gersang bakal ngrasa seneng.+
Padhang pasir bakal ngrasa seneng lan kebak kembang liar.*+
2 Kembangé mesthi bakal mekar.+
Tanah kuwi bakal sorak-sorak.
Tanah kuwi bakal dadi apik bangetKaya Lébanon,+ Karmèl,+ lan Syaron.+
Wong-wong bakal ndelok kemuliaané Yéhuwah, Gusti Allahé awaké dhéwé sing hébat.
3 Kuwatna tangan sing lemesLan sikil sing gemeter.+
4 Kowé kudu ngomong ngéné karo wong sing ngrasa kuwatir,”Aja wedi. Kowé kudu kuwat.
Gusti Allahmu bakal mbales+Lan ngukum mungsuh-mungsuhmu.
Dhèwèké bakal nylametké kowé.”+
5 Wektu kuwi, wong wuta bakal isa ndelok+Lan wong budheg bakal isa krungu.+
6 Wong lumpuh bakal mlumpat kaya kidang,+Lan wong bisu bakal sorak-sorak.+
Banyu bakal metu saka padhang belantara,Lan bakal ana kali ing padhang pasir.
7 Lemah sing gersang bakal dadi kolam,Lan lemah sing garing bakal dadi mata air.+
Ing panggonané lèrèn asu liar,+Bakal ana suket ijo, suket dhuwur, lan wit papirus.*
8 Bakal ana dalan gedhé ing kono+Sing disebut Dalan Suci.
Dalan kuwi mung kanggo wong sing éntuk liwat kono.+
Ora ana wong bodho sing bakal liwat kono.
Wong sing najis ora bakal liwat kono.
9 Ora bakal ana singa ing kono,Lan kéwan buas ora bakal mrono.
Kéwan-kéwan kuwi ora bakal ana ing kono.+
Mung wong-wong sing dituku manèh karo Gusti Allah sing bakal liwat kono.+
10 Wong-wong sing ditebus Yéhuwah bakal bali+ ing Zion karo sorak-sorak.+
Wong-wong kuwi bakal ngrasa seneng nganti sakterusé.+
Wong-wong kuwi bakal seneng lan bahagia,Ora bakal sambat lan sedhih manèh.+
