Ayub 37:1-24
37 ”Jantungku dheg-dhegan bangetKaya arep copot.
2 Rungokna tenanan swarané Gusti Allah sing banter banget.
Rungokna swarané sing kaya bledhèg.
3 Kabèh sing ana ing ngisoré langit krungu swarané sing kaya bledhèg,Lan Dhèwèké nggawé kilaté nyamber+ tekan ujung-ujung bumi.
4 Sakwisé kuwi, ana swara gludhug.
Swarané Gusti Allah kaya swara bledhèg,+Lan kilat terus nyamber wektu Dhèwèké ngomong.
5 Swarané Gusti Allah sing kaya bledhèg+ kuwi hébat banget.
Awaké dhéwé ora isa paham kabèh tumindaké sing luar biasa.+
6 Dhèwèké nggawé salju mudhun ing bumi,+Dhèwèké nggawé udan deres ing bumi.+
7 Gusti Allah ngendhegké kabèh kegiatané manungsa*Bèn kabèh manungsa ngerti kabèh sing ditindakké Dhèwèké.
8 Kéwan liar mlebu ing panggonanéLan ora metu-metu saka kono.
9 Angin badai teka saka asalé,+Lan angin saka lor nggawé hawané adhem.+
10 Angin saka* Gusti Allah nggawé banyu dadi ès,+Lan permukaané banyu dadi beku.+
11 Dhèwèké nggawé méga dadi kebak banyu.
Dhèwèké nggawé kilat nyamber+ saka méga.
12 Mégané nglayang ing endi waé manut sing dipréntahké Gusti Allah.
Ing permukaan bumi, méga-méga kuwi nindakké préntahé+ Gusti Allah.
13 Dhèwèké nggunakké méga kanggo ngukum,+Kanggo nggawé udan, utawa kanggo nduduhké tresnané.*+
14 Ayub, tulung rungokna.
Tulung gatèkna lan pikirna tenanan hasil gawéan lan tumindaké Gusti Allah sing luar biasa.+
15 Apa njenengan ngerti carané Gusti Allah ngatur* méga-mégaLan carané kilaté nyamber saka méga kuwi?
16 Apa njenengan ngerti carané méga nglayang?+
Kabèh iki hasil gawéan lan tumindaké Dhèwèké* sing ngerti sak kabèhé.+
17 Ngapa kok klambimu dadi panasWektu angin saka kidul nggawé bumi dadi sepi?+
18 Dhèwèké nggawé langit+ kaya nggawé cermin saka wesi sing atos.
Apa njenengan ya isa kaya ngono?
19 Tulung kandhani aku apa sing kudu tak omongké marang Dhèwèké.
Aku ora isa njawab merga aku ora ngerti apa-apa.
20 Apa aku ndadak ngandhani Dhèwèké nèk aku arep ngomong?
Utawa apa ana omongan sing penting banget nganti kudu disampèkké marang Dhèwèké?+
21 Wong-wong ora isa ndelok matahari
Sing ketutup mendhung.
Ning nèk kena angin, mendhungé ilang lan langité dadi cerah.
22 Saka lor, kétok cahaya sing wernané kaya emas.
Kehébatané+ Gusti Allah kuwi luar biasa.
23 Awaké dhéwé ora isa paham sak kabèhé soal Sing Mahakuwasa.+
Kuwasané gedhé banget.+
Tumindaké mesthi adil+ lan bener.+
24 Mula, wong-wong kudu wedi marang* Dhèwèké,+Merga Dhèwèké ora seneng karo wong-wong sing rumangsa pinter.”+
Katrangan Tambahan
^ Lit.: ”mènèhi cap ing tangané saben wong”.
^ Lit.: ”Napasé”.
^ Utawa ”katresnané sing langgeng”. Deloken Daftar Istilah.
^ Utawa ”mréntah”.
^ Maksudé, Gusti Allah.
^ Deloken Daftar Istilah.
