Habakuk 2:1-20
2 Aku bakal tetep ngadeg ing pos jagaku,+Lan aku bakal tetep ana ing bèntèng.*
Aku bakal terus jaga-jaga bèn ngerti apa sing arep disampèkké Gusti Allah liwat akuLan bèn ngerti apa sing kudu tak jawab nèk aku dinaséhati.
2 Terus, Yéhuwah kandha marang aku,”Tulisen wahyu iki, lan catheten sing jelas ing lèmpèngan watu*+Bèn gampang diwaca karo wong sing maca nganggo swara banter.+
3 Wahyu iki bakal kelakon nurut wektu sing wis ditentokké.
Kuwi bakal ndang kelakon* lan ora bakal gagal.*
Ning nèk kétoké telat, tetepa yakin lan entènana+Merga kuwi mesthi kelakon.
Kuwi ora bakal telat.
4 Deloken wong sing sombong.
Wong kuwi ora bener.
Ning wong sing bener bakal tetep urip merga dhèwèké setya.*+
5 Pancèn, anggur isa nggawé wong sombong tumindak bodho,Mula dhèwèké ora bakal suksès.
Dhèwèké rakus kaya Kuburan.*
Dhèwèké kaya kematian sing ora tau puas.
Dhèwèké terus nglumpukké kabèh bangsa lan kabèh wong kanggo dipèk dhéwé.+
6 Kabèh wong kuwi bakal ngécé dhèwèké nganggo peribahasa, sindiran, lan teka-teki.+
Wong-wong kuwi bakal kandha,’Nganti kapan dhèwèké nglumpukké barang sing dudu duwèké?
Dhèwèké bakal cilaka merga utangé saya akèh.
7 Wong-wong sing nagih utangmu bakal ujug-ujug teka.
Wong-wong kuwi bakal nggugah lan ngoyog-oyog kowé.
Wong-wong kuwi bakal njarah kowé.+
8 Kowé wis matèni akèh wongLan ngancurké bumi, kutha-kutha, lan kabèh penduduké.+
Kowé ya wis njarah akèh bangsa.
Mula, wong-wong liyané saka bangsa-bangsa kuwi bakal njarah kowé.+
9 Wong sing nggolèk untung sing ora bener kanggo keluargané* bakal cilaka.
Dhèwèké nggawé sarang ing panggonan dhuwurBèn ora cilaka.
10 Rencanamu nggawé keluargamu* dadi isin.
Kowé dosa merga wis nyingkirké akèh bangsa.+
11 Watu ing témbok bakal sambat,Lan kayu ing atap bakal njawab.
12 Wong sing matèni bèn isa mbangun kutha bakal cilaka,Lan sing ngedegké kutha nganggo kejahatan ya bakal cilaka.
13 Wong-wong kerja keras, ning hasil kerja kerasé entèk dipangan geni.
Bangsa-bangsa padha ngupaya, ning tanpa guna.+
Yéhuwah pemimpiné pasukan sing nyebabké kuwi kabèh.
14 Kaya laut kebak karo banyu,+Bumi bakal kebak karo pengetahuan soal kemuliaané Yéhuwah.
15 Cilaka wong sing nesu lan ngamuk,Sing mènèhi kanca-kancané minuman supaya kanca-kancané mabuk,Bèn dhèwèké isa ndelok kanca-kancané wuda.
16 Kowé bakal bener-bener dirèmèhké lan ora dimulyakké.
Kowé ya kudu ngombé, lan wong bakal ndelok keadaanmu sing wuda lan ora disunat.
Kaya bangsa-bangsa sakdurungé, kowé ya bakal ngombé saka gelas sing ana ing tangan tengené Yéhuwah.+
Kowé bakal dirèmèhké lan ora dimulyakké manèh.
17 Kaya kowé wis nyingkirké Lébanon, kowé ya bakal disingkirké,Kaya kowé wis nyingkirké kéwan-kéwan sing kewedèn, kowé ya bakal disingkirké,Merga kowé matèni akèh wongLan ngancurké bumi, kutha-kutha, lan kabèh penduduké.+
18 Wong-wong percaya karo patung sing digawé,Sing asalé saka kayu, watu, lan logam.
Ning, naséhat saka patung-patung kuwi palsu.
Brahala-brahala kuwi ora isa ngomong.
Mula, apa gunané kuwi kanggo wong-wong sing nggawé?+
19 Wong sing kandha marang kayu, ”Tangia,”Lan sing kandha marang watu sing bisu, ”Tangia, ajarana aku,” bakal cilaka.
Patung kuwi pancèn dilapisi emas lan pérak,+Ning babar blas ora isa ambegan.+
20 Tapi Yéhuwah ana ing baité sing suci.+
Hé kabèh wong ing bumi, menenga ing ngarepé!’”+
Katrangan Tambahan
^ Utawa ”kubu pertahanan”.
^ Utawa ”lèmpèngan kayu”.
^ Lit.: ”ndang rampung”.
^ Lit.: ”ora ngapusi”.
^ Utawa mungkin ”nduwé iman; yakin”.
^ Utawa ”Syéol”. Deloken Daftar Istilah.
^ Utawa ”bangsané”.
^ Utawa ”bangsamu”.
