Kidung Agung 1:1-17
-
Lagu sing paling apik (1)
-
Wong wédok Syulam (2-7)
-
Wong-wong wédok Yérusalèm (8)
-
Raja (9-11)
-
”Aku bakal nggawèkké kowé perhiasan saka emas” (11)
-
-
Wong wédok Syulam (12-14)
-
”Kekasihku kaya sak kanthong mur sing wangi” (13)
-
-
Gembala (15)
-
”Sayangku, kowé ayu banget”
-
-
Wong wédok Syulam (16, 17)
-
”Sayangku, kowé nggantheng banget” (16)
-
1 Lagu sing paling apik, sing digawé Salomo,+
2 ”Ambungen aku nganggo lambému,Rasa sayangmu luwih nyenengké timbang anggur.+
3 Ambuné minyak wangimu wangi banget.+
Jenengmu kaya minyak wangi sing diesokké.+
Kuwi sebabé cah-cah wédok seneng karo kowé.
4 Raja wis nggawa aku ing kamaré.
Gawanen aku lunga.* Ayo lunga saka kéné.
Ayo awaké dhéwé seneng-seneng.
Ayo ngomongké rasa sayangmu marang aku, merga kuwi luwih nyenengké timbang anggur.
Pantes waé wong-wong kuwi* seneng karo kowé.
5 Wong-wong wédok Yérusalèm, aku pancèn ireng, ning aku ayu,Kaya kémah Kédar,+ kaya kain kémahé+ Salomo.
6 Aja ndelok aku merga aku ireng.
Aku ireng merga kena sinar matahari.
Kakang-kakangku nyenèni akuLan ngongkon aku njaga kebon angguré,Ning kebon anggurku dhéwé malah ora tak jaga.
7 Wong sing tak sayangi, tulung kandhani aku,Ing endi kowé njaga ternakmu,+Lan ing endi ternakmu lèrèn pas awan.
Tulung kandhani aku bèn aku ora wira-wiri ing antarané ternaké kanca-kancamuKaya wong wédok sing lagi sedhih.”
8 ”Wong wédok sing ayu dhéwé, nèk kowé ora ngerti,Mlakua ngetutké dalan sing diliwati ternak,Lan kowé kudu angon kambing-kambingmu sing isih cilik ing cedhak kémahé para gembala.”
9 ”Sayangku, kowé ayu kaya jaran wédok ing krétané Firaun.+
10 Pipimu apik banget nganggo perhiasan,*Lan gulumu apik banget nganggo kalung.
11 Aku bakal nggawèkké kowé perhiasan saka emas,Lan perhiasan saka pérak.”
12 ”Wektu raja lungguh ing méjané,Minyak wangiku*+ ambuné nyebar.
13 Kanggoku, kekasihku kaya sak kanthong mur*+ sing wangiLan sing ana ing dhadhaku pas bengi.
14 Kekasihku kaya tanduran wangi*+Ing antarané kebon anggur ing Èn-gèdi.”+
15 ”Sayangku, kowé ayu banget.
Kowé pancèn ayu banget. Mripatmu kaya mripaté manuk dara.”+
16 ”Sayangku, kowé nggantheng banget lan nyenengké.+
Suket ijo dadi panggonané awaké dhéwé turu.
17 Atap omahé awaké dhéwé* saka kayu aras*
Lan wit juniper.*
Katrangan Tambahan
^ Lit.: ”Tariken aku”.
^ Maksudé, wong-wong wédok enom.
^ Utawa mungkin ”ing antarané rambut sing diklabang”.
^ Lit.: ”Serèh wangiku”.
^ Getah wangi. Deloken Daftar Istilah.
^ Utawa ”henna”. Deloken Daftar Istilah.
^ Utawa ”omahé awaké dhéwé sing gedhé”.
^ Wit iki bentuké kaya wit cemara lan mbiyèn ana akèh ing Lébanon.
^ Wit sing bentuké kaya wit pinus, ambuné wangi, lan kayuné awèt.
