Kidung Agung 2:1-17
2 ”Aku iki mung kembang liar* sing ana ing dataran pinggir laut,*Kembang lili sing ana ing lembah.”+
2 ”Ing antarané cah wédok,Kekasihku kaya kembang lili ing antarané semak berduri.”
3 ”Ing antarané cah lanang,Kekasihku kaya wit apel ing antarané wit-witan sing ana ing hutan.
Aku péngin banget ngéyub ing ngisoré,Lan kanggoku buahé rasané legi.
4 Dhèwèké nggawa aku ing panggonan kanggo pésta.*
Kabèh ngerti nèk rasa sayangé mung kanggo aku.
5 Wènèhana aku roti kismis lan apel,+Bèn aku seger lan kuwat.
Aku ora nduwé tenaga merga aku lagi jatuh cinta.
6 Tangan kiwané ndemèk sirahku,Lan tangan tengené ndhekep aku.+
7 Wong-wong wédok ing Yérusalèm, kowé kudu nggawé sumpahDemi kidang lanang karo kidang wédok+ ing padhang,Aja ngojok-ojoki aku bèn jatuh cinta sakdurungé wektuné.+
8 Aku krungu swarané kekasihku.
Dhèwèké teka,Munggah gunung lan mlayu ngliwati bukit-bukit.
9 Kekasihku kaya kidang, kaya anak kidang.+
Dhèwèké ngadeg ing mburi témbok,Ndelok saka jendhéla,Saka celah-celah jendhéla.
10 Kekasihku ngomong karo aku,’Sayangku, ayo mréné,Kekasihku sing ayu, ayo mèlu aku.
11 Musim udan* wis rampung.
Udané wis mandheg.
12 Kembang-kembangé wis padha mekar ing désa.+
Wis wektuné kanggo ngethoki cabang-cabangé wit anggur,+Lan swarané manuk derkuku isa dirungokké ing désané awaké dhéwé.+
13 Buah ara wis mateng ing wité.+
Wit anggur ngembang lan wanginé nyebar.
Sayangku, ayo mréné.
Kekasihku sing ayu, ayo mèlu aku.
14 Kowé kaya manuk dara sing ana ing celah tebing watu,+Ing celahé lèrèng gunung.
Aku péngin ketemu kowé lan krungu swaramu,+Merga kowé ayu lan swaramu apik.’”+
15 ”Cekelen rubah-rubah kuwi,Rubah-rubah cilik sing ngrusak kebon anggur,Merga kebon anggurku lagi ngembang.”
16 ”Kekasihku kuwi duwèkku, lan aku duwèké.+
Dhèwèké lagi njaga ternak+ ing antarané kembang lili.+
17 Sayangku, ayo ndang baliKaya kidang+ utawa anak kidang+ ing gunung sing ana ing antarané awaké dhéwé,*Sakdurungé ana angin lan sakdurungé bayang-bayang ilang.
Katrangan Tambahan
^ Lit.: ”safron”.
^ Utawa ”ing Syaron”.
^ Lit.: ”ing omah minuman anggur”.
^ Utawa ”Musim dingin”.
^ Utawa ”Pegunungan Bèter”.
