Kidung Agung 3:1-11
3 ”Pas bengi ing panggonanku turu,Aku mikirké kekasihku.+
Aku kangen, ning dhèwèké ora ana ing kéné.+
2 Aku arep tangi lan ngubengi kutha.
Aku arep nggolèki kekasihku,Ing dalan lan ing lapangan.
Aku kangen, ning dhèwèké ora ana ing kéné.
3 Para penjaga sing ngubengi kutha ketemu karo aku lan tak takoni,+’Apa njenengan weruh kekasihku?’
4 Ora let suwé sakwisé ketemu para penjaga kuwi,Aku ketemu karo wong sing tak sayangi.
Dhèwèké tak cekeli, ora bakal tak eculké
Nganti aku nggawa dhèwèké ing omahé ibuku,+Ing omahé* ibu sing nglairké aku.
5 Wong-wong wédok ing Yérusalèm, kowé kudu nggawé sumpahDemi kidang karo kidang wédok ing padhang,Aja ngojok-ojoki aku bèn jatuh cinta sakdurungé wektuné.”+
6 ”Sing teka saka padhang belantara kaya asap kuwi apa?
Wanginé kaya mur* lan menyan,Lan ambuné kaya bedhak wangi saka pedagang.”+
7 ”Kuwi tandhuné* Salomo.
Ing sak ubengé tandhu kuwi,Ana prajurit Israèl 60,+
8 Kabèh nduwé pedhang,Kabèh dilatih perang,Kabèh nduwé pedhang ing pinggangéBèn siap ngadhepi serangan pas bengi.”
9 ”Kuwi tandhuné Raja SalomoSing digawé Salomo saka wit ing Lébanon.+
10 Cagak-cagaké digawé saka pérak,Sèndhèrané digawé saka emas,Lan kursiné saka wol ungu.
Bagéan njeroné dihias karo wong-wong wédok YérusalèmNganggo rasa sayang.”
11 ”Wong-wong wédok Zion, ayo padha metu.
Deloken Raja Salomo.
Dhèwèké nganggo mahkota sing digawé ibuné+Pas dhèwèké arep nikah,Pas atiné lagi seneng.”
Katrangan Tambahan
^ Utawa ”kamaré”.
^ Getah wangi. Deloken Daftar Istilah.
^ Kursi sing dipanggul kanggo nggawa raja utawa wong penting.
