Kidung Agung 4:1-16
4 ”Sayangku, kowé ayu banget.
Kowé pancèn ayu banget.
Mripatmu sing ketutupan cadar kaya mripaté manuk dara.
Rambutmu kaya kumpulan kambingSing mudhun saka Pegunungan Giléad.+
2 Untumu putih lan apik,Kaya kumpulan domba sing bar dicukur lan diadusi.
Kabèh bentuké apik lan rapi banget,Lan ora ana sing ilang.
3 Lambému kaya pita abang,Lan omonganmu nyenengké.
Pipimu sing ketutupan cadarKaya buah delima sing dibelah.
4 Gulumu+ kaya Menara Daud+
Sing dibangun nganggo watu sing ditata rapi.
Ing ndhuwuré ana tamèng sèwu sing dicanthèlké,Yaiku tamèng bunder duwèké para prajurit sing kuwat.+
5 Payudaramu kaya anak kidang loro,Anak kidang kembar,+Sing mangan ing antarané kembang lili.”
6 ”Sakdurungé ana angin lan sakdurungé bayang-bayang ilang,Aku arep lunga ing gunung mur*Lan munggah ing bukit menyan.”+
7 ”Sayangku,+ kowé pancèn ayu banget.
Kowé ora nduwé cacad.
8 Ayo lunga saka Lébanon karo aku, calon bojoku.
Ayo lunga saka Lébanon.+
Mudhuna saka puncak Amana,Saka puncak Sénir, saka puncak Hèrmon,+Saka panggonané singa, saka gunungé macan tutul.
9 Sayangku, calon bojoku, atiku wis dadi duwèkmu.+
Aku dheg-dhegan merga kowé ndelok akuLan merga aku ndelok permata ing kalungmu.
10 Sayangku, calon bojoku, rasa sayangmu nggawé aku bahagia.+
Rasa sayangmu kuwi luwih nyenengké timbang anggur,+Lan minyak wangimu luwih wangi timbang kabèh minyak wangi.+
11 Calon bojoku, lambému legi kaya madu murni.+
Ilatmu kaya susu lan madu,+Lan wanginé klambimu kaya wanginé hutan Lébanon.
12 Sayangku, calon bojoku, kowé kaya kebon sing dipageri,Kaya kebon sing dipageri, kaya mata air sing ditutup rapet.
13 Kowé* kaya kebon sing ditanduri wit delima, sing metu akèh buahé.
Buah ing kebon kuwi apik-apik, lan ing kono ya ana tanduran-tanduran wangi,
14 Tanduran sing akaré wangi,+ kembang liar,* suket wangi,*+ kayu manis,+Mur, gaharu,*+ kabèh jenis wit menyan,Lan kabèh tanduran sing ambuné wangi.+
15 Kowé kaya mata air ing kebon, sing banyuné seger banget,Lan kaya kali sing mili saka Lébanon.+
16 Angin saka lor, ayo tangi.
Angin saka kidul, ayo teka.
Ayo teka ing kebonku,Bèn wanginé nyebar.”
”Muga-muga kekasihku teka ing kebonéLan mangan buah-buah sing paling apik.”
Katrangan Tambahan
^ Getah wangi. Deloken Daftar Istilah.
^ Utawa mungkin ”Kulitmu”.
^ Lit.: ”safron”.
^ Basa Inggrisé calamus.
^ Wit sing kayuné wangi. Ing jaman mbiyèn, kuwi biasané dienggo nggawé minyak wangi.
