Kidung Agung 8:1-14
-
Wong wédok Syulam (1-4)
-
”Nèk misalé kowé kakangku” (1)
-
-
Kakang-kakangé wong wédok Syulam (5a)
-
’Sapa kuwi sing sèndhèran kekasihé?’
-
-
Wong wédok Syulam (5b-7)
-
”Katresnan kuwi padha kuwaté karo kematian” (6)
-
-
Kakang-kakangé wong wédok Syulam (8, 9)
-
”Nèk dhèwèké témbok, . . . ning nèk dhèwèké lawang, . . .” (9)
-
-
Wong wédok Syulam (10-12)
-
”Aku kaya témbok” (10)
-
-
Gembala (13)
-
’Aku péngin krungu swaramu’
-
-
Wong wédok Syulam (14)
-
”Ayo ndang mlayu kaya kidang”
-
8 ”Nèk misalé kowé kakangkuSing nyusu ibuku,Ing ngarepé wong akèh, aku bakal ngambung kowé+ nèk ketemu kowé,Lan ora ana sing bakal ngécé aku.
2 Kowé bakal tak jakLan tak gawa ing omahé ibuku,+Sing wis ndhidhik aku.
Aku bakal mènèhi kowé anggur sing énakLan sari buah delima sing seger.
3 Tangan kiwané ndemèk sirahku,Lan tangan tengené ndhekep aku.+
4 Wong-wong wédok ing Yérusalèm, kowé kudu nggawé sumpah,Aja ngojok-ojoki aku bèn jatuh cinta sakdurungé wektuné.”+
5 ”Sapa kuwi sing teka saka padhang belantara,Sing sèndhèran kekasihé?”
”Ing ngisoré wit apel, kowé tak gugah.
Ing kana, ibumu ngrasakké lara wektu nglairké kowé.
Ing kana, dhèwèké nglairké kowé lan ngrasakké lara.
6 Dèlèhna aku kaya meterai ing atimu,Kaya meterai ing tanganmu,Katresnan kuwi padha kuwaté karo kematian,+Rasa setya kuwi padha kuwaté karo Kuburan.*
Kuwi kaya geni sing gedhé banget, geni saka Yah.*+
7 Banyu sing mbludag ora isa matèni katresnan,+Banyu kali ya ora isa ngilangi katresnan.+
Nèk ana sing arep tuku katresnan nganggo kabèh hartané,Kuwi* bakal diécé.”
8 ”Aku nduwé adhi wédok+Sing durung metu payudarané.
Terus aku kudu piyéPas ana sing nglamar dhèwèké?”
9 ”Nèk dhèwèké témbok,Bakal tak bangun bèntèng saka pérak.
Ning nèk dhèwèké lawang,Bakal tak pasangi palang saka kayu aras.”*
10 ”Aku kaya témbok,Lan payudaraku kaya menara.
Mula dhèwèké isa ndelok dhéwéNèk atiku tentrem.
11 Salomo nduwé kebon anggur+ ing Baal-hamon.
Dhèwèké nyéwakké kebon anggur kuwi.
Saben wong kudu mbayar sèwu dhuwit pérak kanggo buahé.
12 Salomo, simpenen waé sèwu dhuwit pérakmu kuwi,Lan wènèhna rong atus dhuwit pérak kuwi marang sing ngopèni kebon kuwi,Merga aku nduwé kebon anggurku dhéwé.”
13 ”Kowé sing lungguh ing kebon-kebon,+Kanca-kanca péngin banget krungu swaramu.
Aku ya péngin krungu swaramu.”+
14 ”Ayo cepet, sayangku.
Ayo ndang mlayu kaya kidang,+Kaya anak kidang,Ing gunung sing ana tanduran wanginé.”
Katrangan Tambahan
^ Utawa ”Syéol”. Deloken Daftar Istilah.
^ ”Yah” kuwi singkatan saka jeneng Yéhuwah.
^ Utawa mungkin ”Dhèwèké”.
^ Wit iki bentuké kaya wit cemara lan mbiyèn ana akèh ing Lébanon.
