Mazmur 130:1-8
Laguné wong sing munggah menyang kutha.
130 Oh Yéhuwah, wektu putus asa banget, aku ndonga marang Njenengan.+
2 Oh Yéhuwah, rungokna aku.
Muga-muga Njenengan ngrungokké wektu aku njaluk tulung.
3 Oh Yah,* nèk Njenengan mung ndelok kesalahan thok,Sapa sing isa bébas saka hukuman, oh Yéhuwah?+
4 Njenengan bener-bener ngapura dosané manungsa.+
Kuwi sebabé wong-wong ngajèni* Njenengan.+
5 Oh Yéhuwah, aku percaya janji-Mu nèk arep nulungi aku.
Aku ngentèni janji-Mu kelakon.
6 Aku bener-bener ngentèni Yéhuwah,+Ngluwihi penjaga sing ngentèni ésuk.+
Aku ngentèni Dhèwèké ngluwihi penjaga sing ngentèni ésuk.
7 Muga-muga Israèl terus ngentèni Yéhuwah,Merga Yéhuwah terus nduduhké katresnané.*+
Dhèwèké nduwé kuwasa sing gedhé kanggo nylametké.
8 Dhèwèké bakal nebus Israèl saka kabèh kesalahané.
Katrangan Tambahan
^ ”Yah” kuwi singkatan saka jeneng Yéhuwah.
^ Utawa ”wedi marang”. Deloken Daftar Istilah.
^ Utawa ”katresnané sing langgeng”. Deloken Daftar Istilah.
