Mazmur 21:1-13
Kanggo pemimpin musik. Lagu sing digawé Daud.
21 Oh Yéhuwah, raja seneng merga kekuwatan-Mu.+
Dhèwèké seneng merga Njenengan nylametké dhèwèké.+
2 Njenengan wis nggawé kepénginané+ kelakon,Lan apa sing dijaluk mesthi mbok turuti. (Sela)
3 Njenengan mènèhi dhèwèké akèh berkah.
Njenengan masang mahkota saka emas murni ing sirahé.+
4 Dhèwèké njaluk umur dawa marang Njenengan,+Lan Njenengan mènèhi dhèwèké umur dawa nganti saklawasé.
5 Dhèwèké dadi diajèni banget merga Njenengan nylametké dhèwèké.
Njenengan nggawé dhèwèké hébat lan dihormati.+
6 Njenengan nggawé dhèwèké diberkahi nganti saklawasé.+
Njenengan nggawé dhèwèké seneng merga Njenengan cedhak karo dhèwèké.*+
7 Raja percaya marang Yéhuwah.+
Dhèwèké bakal terus mréntah merga ditresnani* Sing Mahaluhur.+
8 Tangan-Mu bakal nyekel mungsuh-mungsuh-Mu.
Tangan tengen-Mu bakal nyekel wong sing sengit marang Njenengan.
9 Wektu Njenengan teka, Njenengan bakal nyingkirké wong-wong kuwi kaya ngobong wong-wong kuwi ing tungku nganti entèk.
Yéhuwah nesu banget lan bakal ngukum wong-wong kuwi. Wong-wong kuwi bakal diobong nganti ludhes.+
10 Njenengan bakal nyingkirké anak-putuné saka bumiLan nyingkirké keturunané saka antarané wong-wong.
11 Wong-wong kuwi nduwé niat jahat nglawan Njenengan.+
Wong-wong kuwi nggawé rencana sing ora bakal berhasil.+
12 Pas Njenengan ngarahké busur panah-Mu* marang wong-wong kuwi,*Njenengan nggawé wong-wong kuwi padha mlayu.+
13 Oh Yéhuwah, tulung Njenengan tumindak nganggo kekuwatan-Mu.
Aku bakal nyanyi lagu pujian* kanggo Njenengan merga kekuwatan-Mu.
Katrangan Tambahan
^ Lit.: ”merga wajahé Njenengan”.
^ Utawa ”merga diwènèhi katresnan sing langgeng saka”. Deloken Daftar Istilah.
^ Lit.: ”tali busur panah-Mu”.
^ Lit.: ”marang wajahé wong-wong kuwi”.
^ Lit.: ”Aku bakal nyanyi lan main musik”.
