Mazmur 39:1-13
Kanggo pemimpin musik: Nganggo Yédutun.*+ Lagu sing digawé Daud.
39 Aku ngomong, ”Aku bakal ngati-atiBèn aku ora nggawé kesalahan merga omonganku.+
Aku bakal nutupi cangkemku+Saksuwéné wong jahat ana ing ngarepku.”
2 Aku mung isa meneng waé lan ora ngomong apa-apa.+
Malah soal sing apik waé ora isa tak omongké.
Ning, atiku saya lara.
3 Atiku rasané kaya diobong.
Saya tak pikir,* rasané saya panas.
Akhiré aku ngomong,
4 ”Oh Yéhuwah, tulung kandhani kapan aku matiLan uripku nganti kapan,+Bèn aku ngerti nèk uripku singkat banget.
5 Njenengan nggawé umurku cendhak.*+
Kanggoné Njenengan, suwéné aku urip kuwi ora ana apa-apané.+
Senajan kétok kuwat, kabèh manungsa kuwi mung kaya napas.+ (Sela)
6 Uripé manungsa kuwi kaya bayangan.
Upayané ora ana gunané.
Dhèwèké ngumpulké harta, ning ora ngerti sapa sing bakal nggunakké harta kuwi.+
7 Oh Yéhuwah, apa sing isa tak harapké?
Mung Njenengan sing dadi harapanku.
8 Tulung slametna aku bèn aku ora dikuwasani karo kesalahan-kesalahanku.+
Aja nganti wong bodho ngécé aku.
9 Aku tetep ora isa ngomong apa-apa.
Aku ora isa mbukak cangkemku+Merga Njenengan sing nggawé kabèh iki kelakon.+
10 Singkirna hukuman-Mu saka aku.
Aku ora nduwé kekuwatan manèh merga Njenengan ngukum aku.
11 Njenengan ngukum manungsa merga kesalahané.+
Kabèh sing dianggep berharga karo wong kuwi mbok entèkké, kaya serangga mangan kain.
Kabèh manungsa kuwi mung kaya napas.+ (Selah)
12 Oh Yéhuwah, tulung rungokna dongaku,Rungokna wektu aku njaluk tulung.+
Aja nganti Njenengan ora perduli karo tangisanku.
Kanggoné Njenengan, aku iki mung wong asing,+Aku mung wong liwat, kaya kabèh nènèk moyangku.+
13 Aja ndelok aku karo nesu, bèn aku isa ngrasa seneng manèhSakdurungé aku mati lan ora ana manèh.”
Katrangan Tambahan
^ Deloken Daftar Istilah.
^ Utawa ”Saya sambat”.
^ Lit.: ”ambané sak tlapak tangan”.
