Mazmur 75:1-10
-
Gusti Allah adil wektu ngadili
-
Wong jahat bakal ngombé saka gelasé Yéhuwah (8)
-
Kanggo pemimpin musik: Nurut lagu ”Aja Nyingkirké”. Lagu sing digawé Asaf.+
75 Aku ngucap syukur marang Njenengan, Oh Gusti Allah, aku ngucap syukur.
Njenengan cedhak karo aku,*+Lan wong-wong nyritakké tumindak-Mu sing luar biasa.
2 Njenengan ngomong, ”Ing wektu sing wis Tak tentokké kanggo ngadili,Aku bakal adil wektu ngadili.
3 Wektu bumi lan penduduké goncang,*Aku sing bakal nggawé cagak-cagaké tetep kuwat.” (Sela)
4 Aku ngomong karo wong sing sombong, ”Aja nyombongké awakmu dhéwé.”
Aku ngomong karo wong sing jahat, ”Aja ngunggulké kekuwatanmu.*
5 Aja ngunggulké kekuwatanmu.*
Aja sombong wektu ngomong.
6 Sebab sing nggawé wong isa diunggulkéKuwi asalé dudu saka wétan, kulon, utawa kidul.
7 Gusti Allah kuwi Hakim.+
Dhèwèké isa ngrendhahké lan ngunggulké wong.+
8 Yéhuwah nyekel gelas+Sing isiné anggur sing wis dicampur lan sing wis metu busané.
Dhèwèké bakal ngesokké anggur kuwi,Lan kuwi bakal diombé kabèh wong jahat ing bumi nganti bener-bener entèk.”*+
9 Ning aku, aku bakal saklawasé nyritakké sing wis ditindakké Gusti Allah.
Aku bakal nyanyi lagu pujian* kanggo Gusti Allahé Yakub.
10 Dhèwèké ngomong, ”Aku bakal nyingkirké kekuwatané* wong jahat,Ning kekuwatané* wong bener bakal saya tambah.”
Katrangan Tambahan
^ Lit.: ”Jeneng-Mu cedhak”.
^ Lit.: ”lebur”.
^ Lit.: ”sungumu”.
^ Lit.: ”sungumu”.
^ Lit.: ”nganti sak ampasé”.
^ Utawa ”main musik”.
^ Lit.: ”sunguné”.
^ Lit.: ”sunguné”.
