Mazmur 95:1-11
95 Ayo sorak-sorak kanggo Yéhuwah.
Ayo sorak-sorak lan muji gunung watu sing nylametké awaké dhéwé.+
2 Ayo mara ing ngarepé* karo ngucap syukur.+
Ayo nyanyi lan sorak-sorak kanggo Dhèwèké.
3 Yéhuwah kuwi Gusti Allah sing hébat,Raja sing hébat ngungkuli allah-allah liyané.+
4 Bumi sing jero bangetLan gunung sing dhuwur kuwi duwèké Gusti Allah.+
5 Laut ya duwèké Gusti Allah, Dhèwèké sing nggawé kuwi,+Lan Dhèwèké nggawé lemah sing garing.+
6 Ayo awaké dhéwé sujud lan nyembah Gusti Allah.
Ayo awaké dhéwé sujud ing ngarepé Yéhuwah sing nyiptakké awaké dhéwé.+
7 Dhèwèké kuwi Gusti Allahé awaké dhéwé,Lan awaké dhéwé iki umaté.
Awaké dhéwé kaya domba sing diangon karo Dhèwèké.+
Dina iki, muga-muga kowé ngrungokké swarané Gusti Allah iki,+
8 ”Kowé aja ndableg kaya nènèk moyangmu pas ing Mériba,*+Kaya pas ing Masa* ing padhang belantara.+
9 Wektu kuwi nènèk moyangmu ora percaya karo Aku.+
Wong-wong kuwi nglawan Aku senajan wis ndelok tumindak-Ku.+
10 Saksuwéné 40 taun, Aku sengit banget karo wong-wong kuwi, lan Aku ngomong,’Wong-wong kuwi terus-terusan ndableg nuruti karepé dhéwéLan wis ora manut karo préntah-préntah-Ku.’
11 Mula Aku nesu lan nggawé sumpah,’Wong-wong kuwi ora bakal mlebu ing dina istirahat-Ku.’”+
