Wahyu 15:1-8
15 Terus aku ndelok ana peristiwa* liyané manèh sing hébat lan luar biasa ing swarga. Ana malaékat pitu+ sing nggawa bencana pitu. Kuwi bakal dadi bencana sing terakhir merga sakwisé kabèh kuwi rampung, nesuné Gusti Allah ya bakal rampung.+
2 Aku ndelok ana sing kétok kaya laut kaca+ campur geni. Aku ya ndelok wong-wong sing wis menang+ nglawan kéwan buas lan patungé.+ Wong-wong kuwi ya ora diwènèhi tandha, yaiku angka sing dadi jenengé kéwan buas kuwi.+ Wong-wong kuwi ngadeg ing pinggiré laut kaca karo nyekel harpané Gusti Allah.
3 Wong-wong kuwi nyanyi laguné Musa,+ budhaké Gusti Allah, lan laguné Anak Domba,+ sing isiné,”Oh Yéhuwah,* Gusti Allah sing Mahakuwasa,+ kabèh tumindak-Mu kuwi hébat lan luar biasa.+ Raja kanggo saklawasé,+ tumindak-Mu kuwi adil lan bener.+
4 Oh Yéhuwah,* mung Njenengan Gusti Allah sing setya.+ Mula, sapa sing ora wedi karo Njenengan? Sapa sing ora ngluhurké jeneng-Mu? Kabèh bangsa bakal mara lan nyembah ing ngarep-Mu+ merga wong-wong kuwi ngerti nèk Njenengan adil wektu ngadili.”
5 Bar kuwi, aku ndelok panggonan suci* tabernakelé Gusti Allah+ ing swarga kebukak.+
6 Saka panggonan suci kuwi ana malaékat pitu sing metu lan nggawa bencana pitu.+ Klambiné para malaékat kuwi saka linèn sing resik lan bersinar, lan ana sabuk emas ing dhadhané.
7 Salah siji saka kerub papat mènèhi malaékat pitu kuwi mangkok emas pitu sing isiné kebak karo nesuné Gusti Allah,+ yaiku Gusti Allah sing urip saklawasé.
8 Terus, panggonan kuwi dikebaki karo asap merga kemuliaan+ lan kuwasané Gusti Allah. Ora ana sing isa mlebu ing panggonan kuwi nganti malaékat pitu kuwi rampung ngesokké bencana pitu kuwi.+
Katrangan Tambahan
^ Lit.: ”tandha”. Iki maksudé peristiwa sing nggambarké sesuatu.
^ Maksudé, Ruang Mahasuci.
