Yosua 12:1-24
12 Wong Israèl ngrebut dhaérah sing ana ing sisih wétané Kali Yordan, saka Lembah Arnon*+ tekan Gunung Hèrmon+ lan kabèh dhaérah Araba sisih wétan.+ Iki raja-raja sing dikalahké wong Israèl:
2 Raja Sihon+ yaiku rajané wong Amori sing manggon ing Hésbon. Dhèwèké nguwasani Aroèr+ sing ana ing pinggiré Lembah Arnon.*+ Dhèwèké ya nguwasani tengah-tengahé lembah kuwi lan setengahé Giléad nganti tekan Lembah* Yabok, ing batas dhaérahé wong Ammon.
3 Dhèwèké ya nguwasani Araba sisih wétan, saka Laut Khinèrèt*+ nganti tekan Laut Araba, yaiku Laut Garam,* termasuk Bèt-yèsyimot nganti tekan ngisor lèrèng Pisga ing sisih kidul.+
4 Wong Israèl ya ngalahké Raja Og+ saka Basyan. Dhèwèké kuwi salah siji wong Réfaim sing isih urip+ lan manggon ing Astarot lan Édréi.
5 Dhèwèké nguwasani Gunung Hèrmon, Saléka, lan kabèh dhaérah Basyan+ nganti tekan batas dhaérahé wong Gésyur lan wong Maakat,+ lan setengahé Giléad nganti tekan wilayahé Raja Sihon saka Hésbon.+
6 Musa abdiné Yéhuwah karo bangsa Israèl ngalahké raja-raja kuwi.+ Sakwisé kuwi, Musa abdiné Yéhuwah mènèhké dhaérahé raja-raja kuwi marang suku Rubèn, suku Gad, lan setengahé suku Manasyé.+
7 Yosua lan bangsa Israèl wis ngalahké kabèh raja sing ana ing sisih kuloné Kali Yordan saka Baal-gad+ ing Lembah Lébanon+ nganti tekan Gunung Halak+ sing madhep Séir.+ Sakwisé kuwi, Yosua mènèhké dhaérahé raja-raja mau marang suku-suku Israèl sesuai karo bagéané dhéwé-dhéwé,+
8 yaiku ing dhaérah pegunungan, ing Syéféla, ing Araba, ing dhaérah lèrèng, ing padhang belantara, lan ing Nègèb,+ yaiku dhaérah sing dienggoni wong Hèt, wong Amori,+ wong Kanaan, wong Pèriz, wong Hèwi, lan wong Yébus. Iki raja-raja sing dikalahké mau:+
9 Raja Yérikho,+ raja Ai+ sing ana ing sebelahé Bètel,
10 raja Yérusalèm, raja Hébron,+
11 raja Yarmut, raja Lakhis,
12 raja Églon, raja Gèzèr,+
13 raja Débir,+ raja Gèdèr,
14 raja Horma, raja Arad,
15 raja Libna,+ raja Adulam,
16 raja Makéda,+ raja Bètel,+
17 raja Tapua, raja Hèfèr,
18 raja Afèk, raja Lassyaron,
19 raja Madon, raja Hazor,+
20 raja Syimron-méron, raja Akhsyaf,
21 raja Taanakh, raja Mégido,
22 raja Kèdès, raja Yoknéam+ ing Karmèl,
23 raja Dor ing lèrèng Dor,+ raja Goyim ing Gilgal,
24 lan raja Tirza. Kabèh jumlahé ana 31 raja.
Katrangan Tambahan
^ Utawa ”Wadi Arnon”.
^ Utawa ”Wadi Arnon”.
^ Utawa ”Wadi”. Deloken Daftar Istilah.
^ Maksudé, Laut Mati.
^ Maksudé, Danau Génésarèt, utawa Laut Galiléa.
