Zakharia 10:1-12
10 ”Pas wis wektuné udan musim semi, njaluka udan marang Aku, Yéhuwah.
Aku, Yéhuwah, sing nggawé méga sing peteng, sing marahi udan deres.
Aku sing nggawé udan kanggo manungsa+Lan mènèhi tanduran ing ladhang kanggo kabèh wong.
2 Sing diucapké patung déwa keluarga* kuwi ngapusi.
Wahyu sing ditampa para tukang ngramal kuwi palsu.
Mimpi-mimpi sing dicritakké kuwi ora ana gunané.
Upayané kanggo menghibur wong liya kuwi ora ana gunané.
Kuwi sebabé wong-wong mlaku mrana-mréné kaya domba sing kesasar,Lan padha sengsara merga ora ana gembala.
3 Aku nesu banget karo para gembala.
Aku bakal ngukum para pemimpin sing seneng nindhes.
Aku, Yéhuwah pemimpiné pasukan, wis nggatèkké domba-domba-Ku,+ yaiku wong Yéhuda.
Aku nggawé wong Yéhuda dadi kaya jaran perang-Ku sing gagah.
4 Saka wong Yéhuda bakal ana pemimpin,*Bakal ana penguasa sing mènèhi dhukungan,*Bakal ana busur panahé prajurit lan para pengawas.*
Kabèh kuwi asalé saka wong Yéhuda.
5 Wong-wong kuwi bakal dadi kaya prajurit,Sing ngidak-idak lumpur ing dalan wektu perang.
Wong-wong kuwi bakal perang merga Aku, Yéhuwah, ndhukung wong-wong kuwi.+
Para mungsuh sing numpak jaran bakal digawé isin.+
6 Aku bakal nggawé wong Yéhuda dadi kuwat.
Keturunané Yusuf bakal Tak slametké.+
Wong-wong kuwi bakal Tak gawa bali menyang tanahé.
Wong-wong kuwi bakal Tak mesakké.+
Keadaané bakal dadi kaya ora tau Tak tinggalké+Merga Aku iki Yéhuwah Gusti Allahé. Dongané wong-wong kuwi bakal Tak jawab.
7 Wong Éfraim bakal dadi kaya prajurit sing kuwat.
Atiné bakal seneng kaya wong sing ngombé anggur.+
Anak-anaké bakal ndelok kuwi lan padha seneng.
Atiné bakal seneng merga Aku, Yéhuwah.+
8 ’Aku bakal singsot kanggo ngundang* wong-wong kuwi bèn ngumpul.
Wong-wong kuwi bakal Tak tebus+ lan jumlahé bakal dadi saya akèh.
Jumlahé bakal akèh terus.
9 Kaya benih, wong-wong kuwi bakal Tak sebar ing antarané bangsa-bangsa.
Senajan ana ing panggonan sing adoh, wong-wong kuwi bakal kèlingan karo Aku.
Karo anak-anaké, wong-wong kuwi bakal dadi semangat manèh terus bali.
10 Aku bakal nggawa bali wong-wong kuwi saka MesirLan nglumpukké wong-wong kuwi saka Asiria.+
Merga panggonané ora cukup kanggo wong-wong kuwi,+Aku ya bakal nggawa wong-wong kuwi menyang tanah Giléad+ lan Lébanon.
11 Pas wong-wong kuwi tekan laut lan ora isa neruské perjalanané, Aku bakal ngliwati laut kuwi lan nyabet ombaké.+
Pas wong-wong kuwi ora isa neruské perjalanané merga Kali Nil, kali kuwi bakal Tak gawé asat.
Wong Asiria sing sombong bakal Tak gawé isin.
Kekuasaané* Mesir bakal berakhir.+
12 Aku, Yéhuwah, bakal nggawé wong-wong kuwi dadi kuwat.+
Tumindaké wong-wong kuwi bakal ngluhurké jeneng-Ku,’+ kandhané Yéhuwah.”
Katrangan Tambahan
^ Lit.: ”térafim”.
^ Lit.: ”menara pojok”. Kuwi nggambarké wong penting.
^ Lit.: ”pathok”. Kuwi nggambarké wong sing mènèhi dhukungan.
^ Utawa ”lan sing mènèhi tugas”.
^ Utawa ”nyeluk”.
^ Lit.: ”Tongkaté”.