PELAJARAN 44

Apa Kabèh Perayaan Nggawé Gusti Allah Seneng?

PUTER

Yéhuwah péngin awaké dhéwé bahagia, lan nèk kadhang-kadhang ngrayakké sesuatu ya ora apa-apa. Tapi, apa kabèh perayaan lan hari raya kuwi nggawé Dhèwèké seneng? Apa buktiné nèk sayang Yéhuwah wektu nggawé keputusan soal kuwi?

1. Apa kabèh perayaan nggawé Yéhuwah seneng? Lha ngapa?

Akèh perayaan jebulé asalé saka ajaran sing ora sesuai karo Alkitab, utawa asalé saka ajaran agama palsu. Malah, isa waé perayaan kuwi ana hubungané karo hantu-hantu utawa merga percaya nèk arwahé wong mati isih gentayangan. Terus, ya ana perayaan sing dhasaré saka kepercayaan turun-temurun utawa percaya karo keberuntungan. (Yésaya 65:11) Yéhuwah ngongkon, ’Kowé kudu metu lan aja nyekel apa waé sing najis.’—2 Korintus 6:17. a

2. Apa Yéhuwah seneng nèk awaké dhéwé ngrayakké perayaan sing ngunggul-unggulké manungsa?

Yéhuwah ora péngin awaké dhéwé ”percaya marang manungsa”. (Wacanen Yérémia 17:5.) Ana hari raya sing tujuané kanggo menghormati pemerintah, pahlawan, utawa lambang negara. (1 Yohanes 5:21) Ana manèh sing tujuané kanggo ngrayakké kemerdékaan. Terus, ya ana sing ngrayakké pergerakan politik utawa sosial. Piyé perasaané Yéhuwah nèk awaké dhéwé ngunggul-unggulké wong utawa organisasi, terutama sing tujuané ora padha karo karepé Yéhuwah?

3. Kebiasaan apa waé sing marahi Yéhuwah ora seneng karo perayaan tertentu?

Menurut Alkitab, ora éntuk ”ngombé minuman keras nganti akèh banget, pésta bébas, [lan] pésta minuman keras”. (1 Pétrus 4:3) Ana perayaan-perayaan sing pas ngrayakké kuwi wong-wong dadi bébas sak karepé dhéwé lan kelakuané ora nggenah. Bèn isa terus dadi kancané Yéhuwah, ora éntuk mèlu-mèlu kebiasaan kaya ngono.

SINAU LUWIH AKÈH

Ayo ngrembug piyé bèn isa nggawé keputusan sing bener soal hari raya lan perayaan.

4. Ora ngrayakké perayaan sing Yéhuwah ora seneng

Wacanen Éfésus 5:10, terus rembugen pertanyaan-pertanyaan iki:

Menurut ayat kuwi, nèk arep ngrayakké hari raya kudu terus mastèkké apa?
Hari raya apa sing biasa dirayakké wong-wong ing dhaérahé njenengan?
Menurut njenengan, apa Yéhuwah seneng karo hari-hari raya kuwi?

Misalé, soal ngrayakké ulang taun. Nèk menurut Yéhuwah piyé? Ing Alkitab mung ana wong loro sing ngrayakké ulang taun. Tapi, loro-loroné dudu umaté Yéhuwah. Wacanen Purwaning Dumadi 40:20-22 lan Matius 14:6-10. Terus, rembugen pertanyaan-pertanyaan iki:

Loro perayaan ulang taun kuwi, sing padha apané?
Bar maca crita kuwi, menurut njenengan, apa Yéhuwah seneng nèk ana sing ngrayakké ulang taun?

Tapi mungkin njenengan mikir, ’Apa mémang Yéhuwah ora seneng nèk aku mèlu ngrayakké ulang taun utawa perayaan liyané sing ora sesuai karo Alkitab?’ Wacanen Pangentasan 32:1-8. Terus, setèlen VIDÉONÉ lan rembugen pertanyaan-pertanyaan iki:

VIDÉO: Riyaya lan Perayaan sing Ora Nyenengké Gusti Allah (5:07)

Ngapa kok kudu terus mastèkké sing nggawé Yéhuwah seneng?
Piyé carané?

Bèn ngerti perayaan kuwi nggawé Gusti Allah seneng apa ora, pikirna:

Apa kuwi dhasaré saka ajaran sing ora sesuai karo Alkitab? Golèki sik asal-usulé.
Apa kuwi ngunggul-unggulké manungsa, organisasi, utawa lambang negara? Sing kuduné diluhurké kuwi mung Yéhuwah, lan mung Dhèwèké sing isa ngatasi masalah ing donya.
Apa ana kebiasaan ing perayaan kuwi sing ora sesuai karo pathokan ing Alkitab? Tingkah lakuné awaké dhéwé kudu bener.

5. Bèn wong liya menghargai kepercayaané awaké dhéwé

Piyé nèk ana sing meksa awaké dhéwé mèlu ngrayakké perayaan sing nggawé Yéhuwah ora seneng? Kudu sabar lan alus wektu njelaské. Contoné, setèlen VIDÉONÉ.

VIDÉO: Kudu Alus Wektu Njelaské (2:01)

Wacanen Matius 7:12, terus rembugen pertanyaan-pertanyaan iki:

Menurut ayat kuwi, éntuk apa ora ngojok-ojoki anggota keluarga liyané bèn ora mèlu-mèlu ngrayakké?
Piyé bèn keluarga yakin nèk njenengan tetep sayang lan menghargai meskipun ora mèlu perayaané?

6. Yéhuwah péngin awaké dhéwé bahagia

Yéhuwah péngin awaké dhéwé seneng-seneng karo keluarga lan kanca-kanca. Wacanen Pengkhotbah 8:15, terus rembugen pertanyaan iki:

Menurut ayat kuwi, apa buktiné nèk Yéhuwah péngin awaké dhéwé bahagia?

Yéhuwah ya péngin awaké dhéwé seneng-seneng wektu bergaul karo sedulur seiman. Contoné pas pertemuan internasional, setèlen VIDÉONÉ.

VIDÉO: Nyambut Para Delegasi ing Kebaktian Internasional (5:40)

Wacanen Galatia 6:10, terus rembugen pertanyaan-pertanyaan iki:

Nèk péngin ”nindakké apa sing apik”, apa kudu pas hari raya?
Njenengan luwih seneng nèk ngekèki merga kudu ngekèki pas hari raya, utawa merga njenengan mémang péngin ngekèki?
Meskipun ora ngrayakké hari raya, akèh wong tuwa sing kadhang-kadhang nggawé acara khusus kanggo anaké, terus ya ngekèki hadiah. Nèk njenengan nduwé anak, njenengan arep piyé?

NÈK ANA SING NGOMONG: ”Asal-usulé hari raya kuwi ora penting. Sing penting isa ngumpul karo keluarga lan kanca-kanca.”

Njenengan arep njelaské piyé?

KESIMPULAN

Yéhuwah péngin awaké dhéwé seneng-seneng karo keluarga lan kanca, tapi ora éntuk ngrayakké perayaan sing nggawé Dhèwèké ora seneng.

Jawaben

Piyé carané bèn ngerti apa perayaan kuwi nggawé Yéhuwah seneng apa ora?
Piyé carané njelaské keputusané awaké dhéwé soal hari raya karo keluarga lan kanca?
Apa buktiné nèk Yéhuwah péngin awaké dhéwé bahagia lan seneng-seneng?

Tanggal rampung sinau:

Rencana

Mikirké, ’Apa perayaan sing dirayakké wong-wong ing dhaérahku mémang nggawé Yéhuwah seneng?’

Liyané:

Liyané