KOTHAK INFORMASI 18A
Yéhuwah Ngandhani Nèk Bakal Ana Perang sing Gedhé Banget
Ing Alkitab, ana akèh ramalan sing nyebutké nèk Yéhuwah bakal nyingkirké wong-wong sing nglawan Dhèwèké lan sing arep nyerang umaté. Sing disebutké ing kéné mung beberapa ramalan thok. Gatèkna apa waé persamaané. Saka ramalan-ramalan iki kétok nèk Yéhuwah péngin kabèh wong isa dikandhani lan nduwé kesempatan kanggo berubah.
JAMAN ISRAÈL MBIYÈN
YÈHÈZKIÈL: ”Gusti sing Mahakuwasa Yéhuwah kandha, ’Aku bakal nyebabké ana perang nglawan Gog ing kabèh gunung-Ku.’”—Yèh. 38:18-23.
YÉRÉMIA: ”[Yéhuwah] bakal ngadili kabèh wong. Dhèwèké bakal nyerahké wong jahat bèn dipatèni nganggo pedhang.”—Yér. 25:31-33.
DANIÈL: ”Gusti Allah sing nguwasani swarga bakal ngedegké kerajaan sing . . . bakal ngancurké lan ngremuk kabèh kerajaan mau.”—Dan. 2:44.
JAMANÉ PARA RASUL
YÉSUS: ”Bakal ana sengsara gedhé sing durung tau kelakon kèt permulaan donya.”—Mat. 24:21, 22.
PAULUS: ”Yésus . . . bareng karo para malaékaté sing kuwat . . . bakal ngukum wong-wong sing ora kenal Gusti Allah.”—2 Tés. 1:6-9.
PÉTRUS: ”Dinané Yéhuwah bakal teka kaya maling. . . . Bumi lan kabèh sing ditindakké manungsa ing bumi bakal kétok jelas.”—2 Ptr. 3:10.
YOHANES: ”Saka lambéné [Yésus] metu pedhang sing dawa lan landhep, sing digunakké kanggo nyingkirké bangsa-bangsa.”—Why. 19:11-18.
JAMAN SAIKI
Alkitab dadi buku sing paling akèh diterjemahké lan isa diwaca karo wong akèh
UMATÉ YÉHUWAH JAMAN SAIKI . . .
-
Ngedumké wacan-wacan dienggo sinau Alkitab sing wis diterjemahké nganggo basa sing akèh banget
-
Nginjil nganti milyaran jam saben taun
