KOTHAK INFORMASI 19B
Kali sing Banyuné Saya Deres
Yèhèzkièl mlaku turut kali sing banyuné mili saka baité Yéhuwah. Kali kuwi saben rong kilomèter dadi saya jero lan saya deres. Terus, ing pinggir kali kuwi, ana wit-witan sing buahé akèh lan godhongé isa dienggo obat. Kuwi kabèh artiné apa?
Kali sing Nggawa Berkah
JAMAN MBIYÈN: Wong-wong sing dibébaské saka penawanan diberkahi Yéhuwah merga nindakké ibadah sing murni manèh ing baité Yéhuwah
AKHIR JAMAN: Ing taun 1919, ibadah marang Yéhuwah dadi murni manèh. Sejak kuwi, Yéhuwah terus mberkahi umaté nganggo keterangan-keterangan saka Alkitab sing isa nguwatké iman
MASA DEPAN: Sakwisé Armagédon, Yéhuwah bakal mberkahi umaté, misalé nggawé manungsa dadi sampurna lan mènèhi keterangan-keterangan sing anyar
Banyu sing Marahi Urip
JAMAN MBIYÈN: Yéhuwah mberkahi umaté sing setya. Wong-wong kuwi jumlahé dadi saya akèh lan isa ngrasakké urip sing nyenengké merga isa nindakké ibadah sing murni manèh
AKHIR JAMAN: Umaté Yéhuwah diberkahi, mula jumlahé dadi saya akèh. Wong-wong kuwi ya isa ngrasakké urip sing nyenengké merga isa cedhak karo Yéhuwah lan ngibadah nganggo cara sing bener
MASA DEPAN: Wong-wong sing slamet ngliwati Armagédon bakal ngrasakké berkahé Yéhuwah sing akèh banget bareng karo wong-wong sing diuripké manèh
Wit sing Buahé Isa Dipangan lan Godhongé Isa Dienggo Obat
JAMAN MBIYÈN: Yéhuwah mulang wong-wong sing bar dibébaské saka penawanan lan mbantu wong-wong kuwi bèn ora nindakké ibadah sing palsu manèh
AKHIR JAMAN: Wong-wong saiki akèh sing ora isa cedhak karo Gusti Allah lan uripé ora nggenah. Tapi, umaté Yéhuwah isa éntuk keterangan-keterangan saka Alkitab lan dibantu bèn tetep setya karo Yéhuwah
MASA DEPAN: Wong-wong sing gelem manut bakal dibantu karo Yésus lan 144.000 bèn isa dadi sampurna lan urip saklawasé