PENTING MERGA: Bèn isa nyenengké Yéhuwah, sing sinau Alkitab kudu janji ngabdi lan dibaptis. (1Pt 3:21) Nèk dhèwèké nindakké kersané Yéhuwah, hubungané karo Yéhuwah mesthi bakal tetep akrab. (Ms 91:1, 2) Janji ngabdi kuwi janji marang Yéhuwah, dudu marang manungsa, gawéan, utawa pakumpulan. Dadi, wong sing sinau Alkitab kudu ngupaya bèn saya nresnani lan ngajèni Yéhuwah.—Rm 14:7, 8.

CARANÉ:

• Wektu sinau Alkitab, rembugen apa hubungané bahan kuwi karo Yéhuwah. Terangna pentingé maca Alkitab saben dina lan ajeg ndonga marang Yéhuwah.—1Ts 5:17; Yb 4:8

• Wong sing sinau Alkitab isa dibantu bèn nduwé tujuan kanggo janji ngabdi lan dibaptis. Uga, isa dibantu nindakké bab liyané sing gampang, contoné, mèlu urun rembug ing pakumpulan ibadah, utawa nginjil marang tangga lan kanca kerja. Yéhuwah ora meksa wong kuwi bèn ngabdi. Janji ngabdi kuwi keputusané dhéwé.—PT 30:19, 20

• Wong sing sinau Alkitab isa disemangati bèn ngowahi uripé kanggo nyenengké Yéhuwah lan isa dibaptis. (WB 27:11) Mbokmenawa dhèwèké nduwé sipat-sipat lan kebiasaan èlèk sing angèl diowahi. Mula, awaké dhéwé kudu mbantu dhèwèké ngowahi sipat lan kebiasaan kuwi. (Éf 4:22-24) Duduhna artikel ”Kwasané Alkitab” ing majalah Warta Penting.

• Critakna pengalaman sing apik wektu ngabdi marang Yéhuwah.—Yé 48:17, 18