Mulai taun iki, awaké dhéwé bakal nduwé akèh wektu kanggo nyiapké acara Pèngetan sédané Yésus. Nèk acarané ing antarané dina Senèn tekan Jumat, ora ana perhimpunan Urip lan Nginjil ing minggu kuwi. Nèk acarané pas dina Setu utawa Minggu, ora ana ceramah umum lan Sinau Warta Penting ing minggu kuwi. Njenengan isa éntuk luwih akèh manfaat merga ana luwih akèh wektu kanggo persiapan. Kaya ing abad pertama, ana akèh sing kudu disiapké kanggo acara sing penting iki. (Luk 22:7-13; km 15/3 1) Ning, apa manèh sing kudu disiapké bèn awaké dhéwé isa éntuk luwih akèh manfaat saka acara kuwi?

• Ngrenungké manfaaté teka ing acara Pèngetan.​—1Kor 11:23-26

• Ndongakké lan mikirké soal hubungané awaké dhéwé karo Yéhuwah.​—1Kor 11:27-29; 2Kor 13:5

• Maca lan ngrenungké Alkitab lan publikasi sing ngrembug soal tujuané acara kuwi.​—Yoh 3:16; 15:13

Ana sing maca lan ngrenungké ayat sing diwaca kanggo Pèngetan sing ana ing Nliti Alkitab Saben Dina. Sing liyané maca ayat-ayat Alkitab sing ana ing tabèl ing ngisor iki. Terus, ya ana sing maca manèh artikel Warta Penting sing ngrembug soal acara Pèngetan lan katresnan sing wis diduduhké Yéhuwah lan Yésus kanggo awaké dhéwé. Senajan sing disinaoni béda-béda, sing penting kuwi isa nggawé njenengan dadi tambah akrab karo Yéhuwah lan Yésus.