Banyu dibutuhké kanggo nyirami winih kabar apik sing ditandur. (1Kr 3:6) Wektu ketemu karo sing gelem nampa, awaké dhéwé isa ninggali pitakonan sing isa dirembug wektu marani manèh. Dhèwèké bakal ngarep-arep, lan kuwi isa mbantu awaké dhéwé persiapan sakdurungé mara manèh. Wektu marani manèh, awaké dhéwé isa kandha nèk arep njawab pitakonan sing wingi ditakokké.

• Wektu persiapan arep nginjil ing omah-omah, aja lali nyepakké pitakonan sing arep dijawab wektu mara manèh. Kuwi klebu pitakonan sing jawabané dirembug ing wacan sing ditawakké, utawa ing buku sing isa mbantu sinau Alkitab, sing arep ditawakké wektu mara manèh.

• Nèk wongé seneng lan gelem nampa, kandhanana nèk panjenengan seneng ketemu manèh lan tinggalana pitakonan sing mau wis dicepakké. Njaluka alamat utawa nomer tilpuné, nèk wongé gelem ngekèki.

• Nèk wis janji arep mara, aja nganti mblénjani janji kuwi.—Mt 5:37.