Alkitab ngramalké nèk Sétan bakal nganiaya kita supaya gawéan nginjil dadi mandheg. (Yo 15:20; Wy 12:17) Piyé awaké dhéwé isa mbantu para sedulur sing dianiaya ing dhaérah-dhaérah liya? Awaké dhéwé isa ndongakké para sedulur kuwi. ”Pandongané wong mursid, kang kaaturaké kalawan kayakinan iku gedhé banget dayané.”—Yb 5:16.

Ndongakké apa? Kita isa ndongakké bèn Yéhuwah mbantu para sedulur kuwi dadi kendel. (Yé 41:10-13) Awaké dhéwé uga isa ndongakké bèn pamréntah gelem ndhukung gawéan nginjil, ”supaya urip kita bisaa tentrem lan ayem”.—1Tm 2:1, 2.

Wektu ndongakké Paulus lan Pétrus sing lagi dianiaya, wong-wong Kristen ing abad kapisan nyebut jenengé wong loro kuwi. (PR 12:5; Rm 15:30, 31) Nèk awaké dhéwé saiki ora ngerti jenengé para sedulur sing dianiaya, awaké dhéwé isa nyebutké jeneng jemaaté, negarané, utawa dhaérahé.