Apa njenengan lagi ana masalah? Mungkin ana sing kudu kerja keras kanggo nyukupi kebutuhané keluargané. Mungkin ana sing kudu nggedhèkké anaké dhèwèkan. Sing isih sekolah mungkin dinakali kancané. Ana manèh sing mungkin lara-laranen utawa wis tuwa. Kabèh mesthi nduwé masalah. Malah ana sing masalahé ora mung siji thok. Ning, sukmbèn masalah-masalah kuwi wis ora ana manèh.​—2Kor 4:16-18.

Saiki awaké dhéwé ya isa lega merga ngerti nèk Yéhuwah nggatèkké awaké dhéwé. Yéhuwah ngerti nèk awaké dhéwé ngupaya bèn isa tetep setya lan Dhèwèké janji bakal mberkahi. (Ym 29:11, 12) Yésus ya nggatèkké awaké dhéwé. Yésus janji bakal ”terus ngancani” wektu awaké dhéwé nglakoni tugas saka dhèwèké. (Mat 28:20) Sukmbèn pas Yésus mréntah bumi, awaké dhéwé bakal dibébaské saka kabèh masalah. Kuwi kudu terus dipikirké bèn awaké dhéwé tambah yakin karo janjiné Yéhuwah lan tetep semangat senajan ana masalah.​—Rm 8:19-21.

DELOKEN VIDÉO TERUS MANDENG YÉSUS KANGGO NGADHEPI ANGIN GEDHÉ SING BAKAL TEKA!​—BERKAHÉ KRATON MBÉSUK, TERUS JAWABEN PITAKONAN-PITAKONAN IKI:

• Kaya apa uripé awaké dhéwé saiki, lan apa sebabé?

• Sukmbèn, kaya apa uripé wong-wong sing setya karo Yéhuwah?

• Apa sebabé awaké dhéwé isa éntuk urip sing nyenengké kuwi?

• Berkah apa waé sing njenengan entèn-entèni?