Saiki akèh sing nganggep nèk sing bener kuwi salah lan sing salah kuwi bener. (Yé 5:20) Akibaté akèh sing kelakuané ora cocog karo pathokané Yéhuwah, misalé seneng karo sesama jenis. Nèk ora ati-ati, anaké njenengan isa dipengaruhi kanca sekolahé utawa wong liya. Wong tuwa kudu piyé bèn anaké ora gampang dipengaruhi?

Anak-anak kudu diajari pathokané Yéhuwah. (Km 18:3) Kandhanana pathokané Alkitab soal hubungan sèks. Carané ngandhani kudu sesuai karo umuré anaké njenengan. (PT 6:7) Pikirna: ’Apa anakku wis ngerti klambi sing sopan kuwi kaya piyé, kudu piyé nèk ana sing ndemèk-ndemèk, lan bagéan tubuh endi sing ora éntuk didelok wong liya? Apa anakku wis ngerti kudu piyé nèk ana sing nduduhi gambar porno utawa nèk dijak nglanggar pathokané Yéhuwah?’ Anak-anak kudu diajari soal kuwi kabèh bèn isa tetep aman. (WB 27:12; Ko 7:12) Kuwi ya bukti nèk wong tuwa nganggep anak-anaké kuwi hadiah sing berharga saka Yéhuwah.​—Ms 127:3.

DELOKEN VIDÉO MBANGUN OMAH SING KOKOH—JAGANEN ANAK-ANAKMU SAKA ”PERKARA-PERKARA SING ALA”, TERUS JAWABEN PITAKONAN-PITAKONAN IKI:

• Apa sebabé ana sing awalé ora gelem ngajari anak-anaké soal sèks?

• Apa sebabé wong tuwa kudu ngajari anak-anaké ”nganggo didikan lan naséhaté Yéhuwah”?—Éf 6:4

• Apa waé sing disedhiakké organisasiné Yéhuwah kanggo mbantu wong tuwa ngajari anak-anaké soal sèks?​—w19.05 12, kothak

• Apa sebabé wong tuwa kudu kerep ngobrol karo anak-anaké?