Ngapa kok kowé kudu seneng crita karo wong tuwamu? (WB 23:26) Merga wong tuwamu dikèki tugas karo Yéhuwah kanggo ngopèni lan ndhidhik kowé. (Mzm 127:3, 4) Nèk kowé ora gelem crita utawa ana sing mbok tutup-tutupi saka wong tuwamu, ya wong tuwamu ora isa mbantu kowé. Kowé ya dadi ora isa éntuk saran-saran sing apik saka wong tuwamu. Tapi, apa salah nèk ana sing ora mbok critakké karo wong tuwamu? Ya ora, tapi aja nganti kowé ora jujur karo wong tuwamu.​—WB 3:32.

Piyé carané bèn kowé isa ngobrol karo wong tuwamu? Nèk mèh ngobrol, ya ndelok-ndelok situasiné sik. Nèk misalé ora isa ngomong langsung, ya kowé isa nyritakké perasaanmu nganggo surat. Tapi, piyé nèk wong tuwamu péngin ngomongké sesuatu sing ora péngin mbok omongké? Kowé kudu ngerti nèk wong tuwamu kuwi péngin mbantu kowé. Wong tuwamu aja mbok anggep mungsuh. Nèk kowé seneng crita karo wong tuwamu lan gelem ngrungokké, kowé isa ngrasakké akèh manfaat, bahkan manfaaté kuwi isa mbok rasakké nganti saklawasé.​—WB 4:10-12.

DELOKEN VIDÉO PAS AKU REMAJA—PIYÉ BÈN ISA NGOBROL KARO WONG TUWAKU?, TERUS JAWABEN PITAKONAN-PITAKONAN IKI:

• Apa sing dipikirké Esther lan Partik soal hubungané karo wong tuwané?

• Apa sing isa dipelajari saka contoné Yésus?

• Apa buktiné nèk wong tuwamu kuwi perduli karo kowé?

• Bèn kowé isa ngobrol karo wong tuwamu, kowé isa mikirké ayat sing endi waé?