Alkitab kandha nèk sedulur-sedulur sing luwih tuwa kudu dianggep kaya bapak utawa ibuké awaké dhéwé, terus sing luwih enom kudu dianggep kaya adhiné awaké dhéwé. (Wacanen 1 Timotius 5:1, 2.) Sedulur lanang kudu ngajèni lan ora éntuk ngrendhahké sedulur wédok.

Sedulur lanang aja nggodha utawa nggawé sedulur wédok ngrasa ora nyaman. (Ayb 31:1) Sedulur lanang sing isih lajang aja nyedhaki sedulur wédok sing isih lajang nèk ora bener-bener péngin nikah karo sedulur wédok kuwi.

Nèk ana sedulur wédok sing njaluk bantuan utawa takon sesuatu sing penting, para pinituwa kudu gelem ngrungokké. Para pinituwa kudu perduli karo sedulur-sedulur wédok, khususé sing ora nduwé bojo.​—Rut 2:8, 9.

DELOKEN VIDÉO TERUS DUDUHNA KATRESNAN ING JEMAAT—MARANG PARA RANDHA LAN YATIM PIATU, TERUS JAWABEN PITAKONAN-PITAKONAN IKI:

• Apa buktiné nèk sedulur-sedulur ing jemaat perduli karo Sedulur Myint?

• Apa pengaruhé kanggo wong-wong ing désané Sedulur Myint?

• Apa pengaruhé kanggo anak-anaké Sedulur Myint?

Piyé carané mbuktèkké nèk njenengan perduli karo sedulur-sedulur wédok ing jemaat?