Para wong tuwa Kristen mesthi kepéngin anak-anaké dadi abdiné Yéhuwah sing setya. Mula, wiwit anak-anaké isih cilik, para wong tuwa kudu ngupaya bèn piwulang Alkitab isa mlebu ing atiné anaké. (PT 6:7; WB 22:6) Kuwi kabèh pancèn mbutuhké pangurbanan. Ning berkahé ngluwihi pangurbanan sing digawé.​—3Yoh 4.

Para wong tuwa isa niru tuladhané Yusuf lan Maria, sing saben taun ”ajeg lunga menyang Yérusalèm kanggo Riyaya Paskah”, senajan mbutuhké upaya lan ragad sing gedhé. (Luk 2:41) Yusuf lan Maria terus mbantu keluargané bèn ngutamakké Yéhuwah. Semono uga, para wong tuwa saiki kudu dadi tuladha lan nggunakké saben kesempatan kanggo mulang anak-anaké bèn cedhak karo Yéhuwah.​—Ms 127:3-5.

DELOKEN VIDEO NGGUNAKKÉ KABÈH KESEMPATAN LAN JAWABEN PITAKONAN-PITAKONAN IKI:

• Piyé Jon lan Sharon Schiller ngutamakké ngabdi marang Yéhuwah wektu nggedhèkké anak-anaké?

• Apa sebabé saben anak kudu didisiplin nganggo cara sing béda?

• Piyé carané wong tuwa isa nyiapké anak-anaké bèn kuwat wektu ngadhepi tantangan?

• Persediaan apa waé saka organisasiné Yéhuwah, kanggo mbantu anak-anak bèn akrab karo Yéhuwah?