Kèt sasi Januari 2018, ana conto carané ngomong ing halaman pertama saka Urip lan Nginjilé Wong Kristen—Jadwal Kagiyatan. Piyé carané nggunakké kuwi?

Wektu Éntuk Tugas Siswa: Gunakna conto pitakonan, ayat, lan pitakonan sing ditinggalké. Ning, njenengan ora kudu nggunakké kata-kata sing persis kaya vidéoné. Adegan, kata pengantar, cara njelaské, lan liya-liyané ya isa béda karo contoné. Njenengan ya isa nawakké publikasi saka Alat-Alat kanggo Mulang, senajan kuwi ora disebutké ing petunjuk kanggo bagéan kuwi.

Wektu Nginjil: Awaké dhéwé isa éntuk idé-idé saka conto carané ngomong. Nèk wong sing dikabari minat lan péngin ngerti luwih akèh, njenengan isa nglanjutké omong-omongané. Njenengan isa nggunakké saran saka conto marani manèh. Njenengan ya isa nyesuaikké conto carané ngomong utawa malah nggunakké cara sing ora padha karo conto kuwi. Apa topik saka sasi sakdurungé utawa ayat liya isa luwih gampang ditampa karo wong-wong ing dhaérahé njenengan? Apa wong-wong ing dhaérahé njenengan luwih seneng ngrembug peristiwa sing lagi waé kelakon ing dhaérah kono? Ora soal piyé carané nggunakké conto carané ngomong, njenengan mesthi péngin nindakké ’apa waé kanggo kepentingané kabar apik lan kanggo martakké kuwi marang wong liya’.​—1Kor 9:22, 23.