Awaké dhéwé biasané isa akrab karo wong sing disayangi utawa dikagumi. Contoné, Yonatan isa akrab karo Daud sakwisé Daud ngalahké Goliat. (1Sam 18:1) Pertamané mémang isa dadi kanca merga seneng karo sipat-sipaté. Tapi nèk péngin akrab ya kudu kenal tenan karo wongé. Nah kuwi ora gampang. Mula akèh sing seneng nggolèk kanca ing Internèt merga kuwi luwih gampang. Padahal nèk ing Internèt wong isa ngapusi. Sing diomongké utawa diduduhké ing Internèt kuwi biasané sing apik-apik, tapi asliné durung mesthi kaya ngono. Mula kudu ngati-ati wektu milih kanca ing Internèt. Nèk ana sing péngin dadi kancamu ing Internèt, ya ora kabèh kudu ditampa. Nèk ora kenal tenan karo wongé, ya ora apa-apa nèk mèh dihapus. Merga ngerti nèk bergaul liwat Internèt kuwi ana bahayané, ana sing ora gelem nduwé média sosial. Tapi nèk njenengan nduwé média sosial, njenengan kudu piyé?

DELOKÈN VIDÉO CARA AMAN NGGUNAKKÉ JEJARING SOSIAL, TERUS JAWABEN PERTANYAAN-PERTANYAAN IKI:

• Apa sing kudu dipikirké sakdurungé nulis koméntar utawa masang gambar ing Internèt?

• Ngapa kok kudu ngati-ati wektu milih kanca ing Internèt?

• Ngapa kok pas internètan wektuné kudu dibatesi?—Éf 5:15, 16