Awaké dhéwé ngadhepi luwih akèh masalah merga saiki awaké dhéwé urip ing bagéan akhir saka ”akhir jaman”. (2Tim 3:1; Mat 24:8) Yéhuwah mènèhi arahan sing tepat waktu bèn umaté isa tetep cedhak karo Dhèwèké lan séhat wektu ngadhepi bencana. Awaké dhéwé isa tetep kuwat nèk manut karo arahan kuwi saiki.​—Luk 16:10.

• Bèn isa tetep cedhak karo Yéhuwah: Kudu terus sinau Alkitab lan ngupaya luwih trampil nginjil. Terus, aja panik nèk njenengan durung isa ketemu manèh karo para sedulur liyané. (Yés 30:15) Yéhuwah lan Yésus bakal terus ndhukung njenengan.​—od-IN 176 ¶15-17

• Bèn isa tetep séhat lan kuwat: Njenengan isa nyiapké tas sing isiné panganan, minuman, obat-obatan, lan kebutuhan liyané sing dibutuhké wektu njenengan ngungsi ing panggonan sing luwih aman.​—WB 22:3; g17-IN.5 4, 6

DELOKEN VIDÉO APA PANJENENGAN SIYAP WEKTU ANA BENCANA?, TERUS JAWABEN PITAKONAN-PITAKONAN IKI:

• Piyé awaké dhéwé isa tetep cedhak karo Yéhuwah senajan ana bencana?

• Apa sebabé awaké dhéwé kudu. . .

  • mènèhi para pinituwa nomer télpon sing paling anyar?

  • nyiapké tas darurat?

  • ngrembug karo keluarga soal bencana apa waé sing mungkin diadhepi lan kudu piyé wektu kuwi kelakon?

• Piyé carané awaké dhéwé isa mbantu sedulur liyané sing kena bencana?

PIKIRNA, ’Apa manfaaté merga aku wis nggawé persiapan saksuwéné ana wabah corona iki?’