Menurut Alkitab, sedhéla manèh donya iki arep disingkirké. Dadi, kudu nggawé rencana bèn wektu lan tenagané awaké dhéwé isa dienggo nglayani Yéhuwah luwih akèh. (1Kor 9:26; Éf 5:15, 16) Pas ibadah keluarga isa dirembug arep nggawé rencana apa waé kanggo taun dinas sing anyar, sing dimulai saka tanggal 1 September nganti tanggal 31 Agustus taun berikuté. Ing jadwal kagiyatan iki, ana rencana-rencana sing isa dipikirké. Njenengan ya isa ndongakké soal kuwi.​—Yak 1:5.

Misalé, bar dirembug sak keluarga, mungkin paling ora ana siji sing isa dadi perintis biasa. Nèk ora yakin jamé isa nutup apa ora, isa njaluk sarané para perintis sing situasiné padha karo njenengan. (WB 15:22) Pas ibadah keluarga, isa ngundang perintis bèn isa ngrungokké pengalamané. Terus, coba nggawé jadwal sing masuk akal. Nèk mbiyèn tau dadi perintis biasa, coba dipikirké apa saiki isa merintis manèh.

Ing keluargané njenengan, apa ana sing isa dadi perintis ékstra sesasi utawa luwih? Nèk misalé gampang lara, nginjilé isa sedhéla-sedhéla waé tapi saben dina. Nèk ora isa nginjil pas hari biasa merga sekolah utawa kerja, isa milih merintis ékstra pas bulan sing ana hari liburé utawa sing akhir pekané ana lima. Tulisen kapan arep mulai merintis ékstra lan nggawéa jadwal.​—WB 21:5.

DELOKEN VIDÉO DADIA . . . PERINTIS SING KENDEL, TERUS JAWABEN PERTANYAAN IKI:

• Apa buktiné Yéhuwah nggatèkké Sedulur Aamand? Saka pengalamané kuwi, awaké dhéwé isa ngerti apa soal Yéhuwah?