Ana papat vidéo soal sinau Alkitab sing isa dienggo wektu nginjil. Apa waé tujuané saben vidéo kuwi?

• Apa Sebabé Perlu Sinau Alkitab?​—Versi Dawa. Vidéo iki dirancang bèn wong péngin ngerti isiné Alkitab, ora soal agamané. Ing vidéo iki ya disebutké nèk ana akèh keterangan saka Alkitab soal uripé manungsa. Terus, ya ana conto pertanyaan sing jawabané ana ing Alkitab. Vidéo iki ya njelaské carané nèk péngin sinau Alkitab.

• Apa Sebabé Perlu Sinau Alkitab? (vèrsi singkat). Vidéo iki mirip karo vèrsi dawané, tapi luwih singkat. Vidéo iki luwih cocog kanggo wong-wong sing sibuk.

• Sinau Alkitab karo Seksi-Seksi Yéhuwah Iku Kaya Apa? Vidéo iki dirancang bèn wong péngin sinau Alkitab karo Seksi-Seksi Yéhuwah. Ing vidéo iki ya ana beberapa keterangan soal kaya apa sinau Alkitab karo Seksi-Seksi Yéhuwah, termasuk carané nèk péngin sinau Alkitab.

• Pengantar kanggo Sinau Alkitab. Vidéo iki disetèlké kanggo wong sing sinau Alkitab. Meskipun keterangan soal dikon nyetèlké vidéo iki ana ing buku Bahagia Saklawasé halaman loro, tapi nèk njenengan arep nyetèlké vidéo iki pas sinauné isih nganggo brosur Bahagia Saklawasé, ya ora apa-apa. Ing vidéo iki ana keterangan singkat soal isiné buku iki lan piyé carané sinau nganggo buku iki.

Meskipun saben vidéo iki ana tujuané dhéwé-dhéwé, tapi kabèh vidéo kuwi isa disetèl utawa dikèkké karo sapa waé, sing penting situasiné cocog. Kabèh penginjil kudu ngerti tenan isiné kabèh vidéo kuwi lan kapan isa nyetèlké kuwi pas nginjil.