Saiki, saya kerep ana bencana. Wektu ana bencana, upaya kanggo ngekèki bantuan kudu diatur lan direncanakké tenanan. Mulané, Pengurus Pusat ngatur bèn ing saben kantor cabang ana Departemèn Penanggulangan Bencana.

Bar ngerti ana bencana, para sedulur ing departemèn kuwi bakal langsung menghubungi pinituwa ing dhaérah bencana bèn ngerti bantuan apa sing dibutuhké. Nèk dhaérah sing kena bencana rusak parah nganti jemaat-jemaat ing dhaérah kuwi ora isa nyukupi sing dibutuhké, kantor cabang bakal nugasi beberapa sedulur sing memenuhi syarat kanggo ngatur bantuan kemanusiaan. Para sedulur kuwi isa njaluk bantuané para rélawan utawa njaluk barang tertentu kanggo disumbangké. Meréka ya isa tuku lan nyalurké barang-barang sing dibutuhké ing dhaérah bencana.

Nèk manut pengaturan iki, manfaaté akèh banget. Tapi nèk njenengan nggawé pengaturan dhéwé, malah marakké bingung, penyaluran bantuan kemanusiaané ya dadi dhobel-dhobel, lan dadi boros biaya utawa barang.

Para sedulur sing ditugasi kantor cabang bakal mastèkké pira biaya lan rélawan sing dibutuhké kanggo mbantu sing kena bencana. Meréka ya isa kerjasama karo pihak berwenang bèn luwih gampang nyalurké bantuan. Dadi nèk ora ditugasi, aja ngumpulké sumbangan, ngirim bantuan, utawa teka ing dhaérah bencana.

Tapi merga sayang para sedulur, awaké dhéwé mesthi péngin mbantu pas meréka kena bencana. (Ibr 13:16) Terus kudu piyé? Sing paling penting, dongakna para sedulur sing kena bencana lan sing nyalurké bantuan. Terus, ya isa nyumbang kanggo gawéan sak donya. Merga diarahké Pengurus Pusat, kantor cabang ngerti cara sing paling apik nggunakké sumbangan kuwi. Nèk péngin mèlu mbantu langsung, isa ngisi Permohonan Sukarelawan Rancang/Bangun Setempat (DC-50).

DELOKEN VIDÉO BANJIR ING BRASIL, TERUS JAWABEN PERTANYAAN IKI:

Apa kesané njenengan soal bantuan kemanusiaané Seksi-Seksi Yéhuwah sakwisé ana banjir ing Brasil taun 2020?